Barren Road (Inspired and motivated by Avenged Sevenfold song - TopicsExpress



          

Barren Road (Inspired and motivated by Avenged Sevenfold song Dear God + Solely dedicated to Mapuii Chawngthu ) Pawlkût thla chuan chawhnu tlang a her tan tawh a. A boruak vîn vawt ver vawr chuan khawsik tur thrâm ang mai hian min vilh nget nget a. Ka taksa a vawhna nasa tak avang chuan chu kawtthler pawh chu hmanhmawh taka paltlang zai zia reng lah nilo. Huichhuk thli thaw chuan ka taksa chu a khang khal zawh mai hlauhawm khawpin a vawt a. Ka puanhlap sin nen chuan pheikhai mar leh awlsam taka lak a harsa hle mai. He hmunah hian ka duhthu ngei a kal zawng ka ni hauh biklo ania. Kan chhungkaw harsatna chhawk zangkhai thei tura inringin, ka hmangaih ber pawh kalsan a kal ka ni a. Hun duhawm loh tak ka tawng ang tih reng ka inbeisei bik hauhlo. Mahse ka awmna chu kan in chhete atang mêl tamtak a hla ani a, lêt leh zia reng ani tawh silo. Ka ngaihtuahna chuan kiltin kiltang a dap lawr a. Ka hmangaih em em, ka nupui duhtak nuamsa taka a awm ve theih nana kal ka nih hriatchhuah chang chuan tumruhna nasa tak ka nei leh thin. Beisei tur neihloh hnu pawh a beiseina awmchhun ka Lalpa lam hawiin ka thinlung ka leihbaw ta a. Ti hian ka tawngtai ta ani: Lalpa duhtak, ngen duh che ka nei a. Khawvel a ka damchhan awmchhun kha - Tanpui a ngaih hun, ka tello a harsatna a hmachhawnna hmunah awmpui hram ang che aw! Ka ngen ngawih ngawih che ani ka damna ani si a. Ka ngaihtuahna a luahkhat em ani. Lalpa duhtak, nuamsa tak leh rualawtlo a awm ve tura ka duhna ti puitling tur hian chakna min pe hram ang che aw! Ka thlahthlam ngai reng reng lo a, ka thinlung chabi thuhrukna hmun ani tih hriattir mawlh mawlh la. Ka phatsan ngailoh tur thu hi hrilh mawlh nang che. Ka ngai em ani. tiin. Khaw vawt chuan zuallam a pan zel a. -20°Celsius vel anih meuh chuan mumal taka riahna tur nei ta lo chu, khawvawt chuan min seh ngawt ngawt hi ani tawh ber a. Ni e, a vawt em mai bawk ani, nunna nei ramsa hmuhtur a awm tawhlo a, vur nasa taka sur chuan thinghnah leh hlobet te chu a khuh var vek tawh a. Khawpui rauhsan tawh hi a ang ber mai awm e. +++++++++++++++++++++++++ Ka thinlung chuan, He hmunah hian engvangin nge kalo kal tak kher mai le. Engmah han inhnemhnanna tur awm silo. tiin ka inzawt nawn mawlh mawlh a. Dar tlailo takah chuan dawr te pawh khar ani tawh a, mihring hmuhtur an vang ta pharh bawk si. Ka suangtuahna vakvel chuan i bulah min thuttir a, kan hun hmandun hlimawmte chu ka ngaituahna banphakah ka dah ta mai chauh ani si a. A tak a i bula awm ka va chak thin tak em! Khualzin tamtak beidawn tawhna hmun atang hian ka rawn ngaihtuah vawng vawng thin che asin. Beisenna chu tamtak chuan dampui zoloin mual an liam tawh a. Mahse bawihte nang ka beiseina neihchhun inih chhung chuan beiseina chu ka hlauh ve dawn hauhlo ania. I tan ka bei zel anga hlim takin kan la inhmu leh ngei dawn nia aw.... I kut lum hum vang vang a, i hmangaihna thlazar hnuaia, kei chau leh beidawng tak hi rawn tlukluh kava chak thin tak em......... Ka ngai em che ani. Dear God, the only thing I ask of you Is to hold her when Im not around When Im much too far away We all need that person who can be true to you I left her when I found her And now I wish Id stayed Cause Im lonely and Im tired Im missing you again, oh no... Once again (Rilru ruak riau a awm chang hi chuan, ziah nalh hi a har thin ania. Ka ziak lut em pawh ka hre meuhlo. Mahse ka ngaipawimawh ve si a :-D ) Dear God hla hrilhfiahna ang anilo ania. Phuahchawp liau liau hahaha.
Posted on: Mon, 27 Jan 2014 09:25:28 +0000

Trending Topics



Recently Viewed Topics




© 2015