Bismillaah.. Sahur sahur Ulun findi pop nang bacungul Di kampung waluh ciluk ba handak di adakan pamilihan KADES.. Ada 3 pilihan kuat si amat ,udin,wan super star utuh yang cagar manjadi calon KADES.. Di adakannai rapat gasan mandangar misi wan visi masing masing calon.. Sabalum dimulai takumpulan nang batiga ni di higa panggung.. Tahu aja kalo bila sudah tagabung buahan power ranger ni ,pasti bahapakan.. Amat:umaa buahan ikam inikah cagar sainganku..baca raminlah sudah.. Modal kancang aku, babanih banyak, duit ada pang sa M di bank,penampilan elegan cucuk jadi pajabat.. Udin:kantut mattai..banih kuitan di kaku,duit mangumpulakan angsulan paninian batukar sirih gasan manginang, tampang iya banar nyiur gumpa handak mangoyoi sowang.. Lain sowang ni.. Muha mirip artis babinian, saking bungasnya kaya cut tari.. Duit bajamur di halaman rumah ,kada kawa mambawa naik karumah sudah hibak di dalam, pilihan kuat sowang ni.. Utuh: Mun muha ikam mirip tapihnya mpo nuri aku percaya dinnai.. Duit dapat di cabutan di sumbungakan kada usah ha.. Aku jua nang iyaa mutur baisi di rumah, Duit sampai bakulat kada sing habisan, muha kaya leonaro dicaprio, penampilan taduh wan bersahaja.. Udin:bica kuitan dipadahakan mutur. bila ada nang mamadahakan ikam tuhhai, kaya leonardo dicaprio,matanya bular tu..mirip iwak julung julung maka iya. cawat nang bakulat aku percaya ,mun duit karamput. Mc: ui trio jaring bahinip acara kita mulai.. Calon pertama amat maju Amat:(sambil malambai tangan) hai aku amat.., aku harat manuba iwak.. amun sowang tapilih kaina dikampung kita ,ku ulahakan 20 buah pos kamling..tiap malam minggu sakampungan kita badum (dominu) Nang balu kuambil bini barataan... (Gagarunuman babuahan balu nang manuntun) Balu acil ijum: bah iyaam pacangan dapat laki nang baisi burut di salangkang ni, mudahan kada tapilih.. Balu enor :umaa.. lawas mambalu pacangan bamadu sing banyakan ha pulang, dikampung 16 nang balu.. Balu acil ugas: maraha baburut baburut asal balaki pulang, 3 tahun sudah kada babam... (Kuciakan buahanya lakian binian nang manuntun) Panuntun: wayyu turun.. Turun ( ditawaki urang amat) bukah mancincing takantut kantut.. MC:calon ke dua udin Udin:hai aku udin,aku harat maintip urang mandi.. Amun sowang tapilih kaina, aku handak malamar aluh,kupakai duit warga gasan bulan madu kabatakan..imba h bulik aku maundurakan diri,soalnya aku kada bisa mambaca..ijazah gin injaman.. Harat kalo aku hohoho.. (Kuciakan pulang buahannya. Turun turun ditawaki urang udin,kana dahi bincul sing ganalan) Udin:(manangis) awas buahan ikam,kupadahakan wan abahku.. MC:calon ke tiga utuh Utuh:hmm apa kabar hadirin (gaya rhoma)..aku ada disini karena aaaaaniiiii ..kalo aku terpilih nanti, aku minta warga tolong carikan aaaaniii yang telah membawa gitar tuaku.. MC:(bakuciak) calonnya bunyuul barataan .bubar bubaar (manangis)maa ulun kada handak lagi jadi MC, ulun umpat manjabAk burung haja pulang.. Utuh:hai mc(gaya Rhoma) putus asa adalah suatu dosa,mari semuanya kita resapi lagu ini.. Be ga dang.. (Buahannya kuciakan) turun..turun Utuh:tenang hadirin.. jangan kau suka marah.. lagu ini pantas untuk di renungkan.. MANDUL.. (Diguyang buahannya panggung, utuh baluncat takamih kamih bukah).. Acil ugas :bunyul barataan mambalu pulang aku.. (Tasandar maragAp parang) Inggan situ dulu kisahnya maaf bl kada lucu niat handak menghibur pian haja F.Ramanda
Posted on: Mon, 15 Jul 2013 20:05:06 +0000
Trending Topics
Recently Viewed Topics
© 2015