Diocesan Commission on Media for Evangelization Winner of THE BEST GOOD NEWS LOVE STORY EVER A February Contest of the Good News 102.3 Spirit FM of the Diocese of Sorsogon Historia de un Amor by Bing Ex-convict an apod sacuya can sacong mga amigo bacong huli ta aco dating naculong sa Bilibid cundi huli ta aco dating seminarista. Nagluwas acoi sa San Jose Major Seminary sa Manila sa catuyuhan na boot cong hanapon an tunay na kahulugan can sacong buhya. Enot kong hinanap si Padre Augusto Laban, an padi na instrumento sa paglaog co sa seminaryo tanganing ipaaram saiya an sacong naging desisyon. Duman co siya nacua sa Cursillo House asin duman co man naheling an sacong naging agom ngonian. Saro siya sa mga catabang sa pagmanehar can Cursillo na pinagcoconducer caidto. Nagsabatan an samong mga mata na garo bagang naghahapot siya cun nata ta nagluwas aco. Dai co man masabotan nata ta sa lambang pagperoc can saiyang mga mata garo bagan luway-luway na pighahapros an sacuyang puso. Naging maestro aco sa sarong escuelahan na harani sa pigtutukduan man can babaying enot cong naheling sa Cursillo. Naging amiga co siya. Huli ta dai pa man acong planong mag-agom nagkaigwa pa aco nin ibang mga amiga na puwede kong pagpilian kun aco mag-agom na. Pitong taon an uminagi can mamatean co na caipuhan na mag agom. Huli ta paulit-ulit na pagsadol can sacuyang ama na aco mag-agom na, hinapot co siya con siisay sa sacuyang naging mga amiga an tamang babayi para sa sacuya. Odoc sa puso niyang sinabi na an enot cong carelasyon an nagugustuhan niya. Iyo man talaga siya an personal cong napili para sa saco. Inalog co siya nin kasal asin napagkasararoan niamo sa atubang kan samuyang mga magurang na sa capilla can Bishops Residence cami magpakasal, si Msgr. Arnulo Arcilla an nagkasal samuya. Dai co man masabi na perfecto an samuyang pag-ibahan bilang mag-agom, huli ta dai man nin aldaw na dai kami nagpapasuhay. Silent type an sacuyang agom kaya dai ko tolos nasasabutan an habo asin gusto niya. Halong cong pinag-adalan an saiyang ugali. Nanod-an co na con sa motorsiklo na nangangaipo nin kick tanganing umandar, kaipuhan man siyang pamangnuhon tanganing mapon-an an samuyang comunicacion caya caipuhan siyang padagiton tanganing isabi an saiyang habo o gusto. Tolong taon an uminagi can namundag an samuyang matuang baby asin nasundan pa nin duang pangaki. Ngonian, gabos na sinda may agom asin igwa na man kaming mga maku-apo. Maogma cami hulit ta naaantabayan mi pa sinda. Maw-ot pa niamong mag-agom na matawan an samuyang mga apo nin guia na magdakula sinda sa catocdoan kan Simbahan Catolica. Sa pagtao sainda nin marhay na ejemplo nag-ro-rosario kami burubanggi asin nagsisimba cun Domingo. Asin man sa samuyang pamibi antes magkaturog, hagad ming mag-agom na pahalawigon man lugod nin Mahal na Dios an samuyang buhay tanganing maheleng mi pa sinda sa saindang pagdakula. Congratulations to Pablito V. Marbella of OLV, Bibincahan, Sorsogon City
Posted on: Thu, 13 Mar 2014 04:15:27 +0000
Trending Topics
Recently Viewed Topics
© 2015