Facebook hi hahchawlhna, thâwk lâkna leh rual kawm nan ka hmang - TopicsExpress



          

Facebook hi hahchawlhna, thâwk lâkna leh rual kawm nan ka hmang thin a. Pûr châwk nana ka hman chang pawh a tam mai. Professional writer ka ni a, a thlâwna puih che inhuam reng in veng YMA secretary fel tak, nuho pawhina a nupui tur an zawnsak luai luai kha emaw, helpline emaw ka ni lo va. Mother Teresa emaw, in bialtu pastor ngainatawm tak emaw ka ni hek lo tih min hriatthiampui ka duh khawp mai. Inbox-ah hian essay type-a chhan ngai zawhna leh ngenna phawkphawhraw pui pui in rawn siam thin a. Ka lo chhansak ta lo che u a nih pawhin chapo, induh, inchhuang, intivei ti a min hnâwl mai lova, min hriatthiam ka beisei. “Kar leha ka sermon tur point min lo duansak,” “Essay competition-ah ka tel ve dawn a, min lo ziahsak, pliz!” “A hla pumpui hi a awmzia min lo hrilh,” “Kan bial kohhran thalai debate-ah ka tel dawn a, point hrang hrang fel takin min lo dahchhuah,” “Application form min lo ziah,” “Pipute thlangtlak dan chanchin kimchang deuhin min lo hrilh,”“Assignment min lo ziah,” tih angreng leh a ṭhenawm ka dawng fer fur zel a. Ram pawna kan ziakmi-puite chu “thumal khatah chêng chuti zât” tia an inbituk lai hian. “Chuti zat chu kut-hah man ka pe ang che,” ti a delhkilh a ni ngai mang bawk si lo. Literature kaihhnawih thil tlar hnih-khat lek emawa chhan theih min zawh duh in neih chuan ka inhawng em em a. Ka hman phawt chuan “Ka hre bik miah lo,” ti tal pawhin ka chhang zel thin.
Posted on: Wed, 19 Jun 2013 08:42:57 +0000

Trending Topics



Recently Viewed Topics




© 2015