February thla khan Pu H.C.Vanlalruata ka interview a. Zawhna engemawzat ka zawt a. Hemi issue hi issue dinglai reng a ni bawk a, ZT te chhiar leh ngaihtuah ho atan mut hmain ka rawn post mai mai e. Mangtha vek u, helamah chuan in naktuk a ni ta. Zing thawh hma a ngai si. ................................................... Q: MLTP Act dan bawhchhia te kan hrem theih laia PC Act dan bawhchhia te hrem an nih hleih theih lohna chhan ber hi enge nia i hriat? A: Pakhatnaah chuan MLTP Act bawhchhia hi kan sorkar hotu lal ber ber zingah pawh an awm a, bawhchhe zan tin pawh an awm ngei ang, mahse hrem an tawk lem lo. Man chhuah pawh an ni lo. Chutihlaiin miretheite chu tanina lenglo khawp man an ni deuh reng. Lengpui Airport-a zin hawte bungrua endik a nih ngailoh atang hian a chiang mai awm e. PC Act chungchang hi chu a dan a dang. Eirukna hi saphovin white collared crime an lo ti mathlawn lovin lehkhathiam, sorkar hnathawk leh sorkara mawhphurhna pawimawh tak chelhte dan bawhchhiatna a ni ber a. Lehkhathiam, dan kalphung hria-in thiam theihtawpa an thup eirukna man chhuaha court-a thiamloh chantirna khawpa evidence neih hi a harsa em em a. Chubakah politician thiltitheite hi chu mitin hlauh an ni a, thiltih tak tak a harsa thin a nih hi. A then phei chuan an hotute chhan nan buaina hial siamah vau an lo ching ve bawk nen.
Posted on: Wed, 13 Aug 2014 15:20:06 +0000
Trending Topics
Recently Viewed Topics
© 2015