Group awmzia.... Mizo Historical Village - Chawngtlai Group hi - TopicsExpress

Group awmzia.... Mizo Historical Village - Chawngtlai Group hi Mizoram Tourism tihhauhsakna atan leh Zohnah thlak hmun hrang hranga miten Pipu te sulhnu humhalh ngaihpawimawh lama hma kan sawn theihnana siam a ni a. He group-ah hian Chawngtlai khua chanchin leh Chawngtlaia pi pu te hunlaia thil thleng hrang hrang te, mi bik te chanchin leh thil chhinchhiah tlak chi hrang hrang chanchin leh thlalak te, tlawhtute thlalak hrang hrang te rawn post(tarlan) thin a ni ang. Chawngtlai khua hi khaw pawimawh tak mai, Zoram khawchhak ral laka humhimtu, Mizote thlang kan tlak zel lohnana theihtawpa thifahnukchata, thisen leh thlantui nena Mizote tana ral hlauhawm lo tutlawmtu, Mizoram khawchhak lama kan ramri kham zauhnana theihna zawng zawng hlantu, Lal Nikuala leh a Pasaltha te khua anih angin Mizote tan a pawimawh em em a. An sulhnu te zofaten kan nghilh mai lohnan leh zoram leh ramdanga Pipu sulhnu humhalh pawimawhzia Mizoten kan hriat a, kan ngaihpawimawh zel theihnan MIZO HISTORICAL VILLAGE tia vuah a ni. He khaw ramchhunga an sulhnu pawimawh tak tak hmun engemawzata awm te hi Zofate tan hian a hlu a, hriatreng tlak a ni. Tin, Mizoram Tourism tihhauhsak nana ruahman leh vuah/din a ni bawk. Chawngtlai khua chauh ni lo, Mizoram leh khawvel hmun danga Pi pu te sulhnu leh an chanchinte, thlalak thlengin aleng vek a, helam kaihhnawih hrang hrang hi post theih a ni. Mizoram Tourism a hma kan sawn theihnan Mizorama Tourist hmun pawimawh leh khawvel hmundanga Tourist hmun pawimawh chanchin leh thlalak te pawh rawn post theih vek a ni bawk. Group member te pawh helam kaihhnawih leh a lamhawi hrim hrim, Mizoram leh khawvel hmundanga mite post theih vek a ni e. He group hi Chawngtlai khaw tan mai ni lo, Mizoram leh zohnahthlakte tan a ni tih hria a, member zawng zawng te thahnemngai turin kan inngen mawlh mawlh e. He group a awm tur hian tupawh zo hnahthlak zawng zawng te kan leng a. Hnamdang thian Zorama lo zin tura kan duh leh Tourist kan hmehriat te an awm pawhin he Group-ah hian inthlahrung miah lovin an ADD theih a ni. Kan khawtlang, kan ram, kan hnam Khawvel dang mite hriata pho chhuah a nih zeltheihnan nang leh kei hi kan va pawimawh em....