HRE THIAMIN SAWI THIAM TEH ILA AW... Lusun khawhar taka - TopicsExpress



          

HRE THIAMIN SAWI THIAM TEH ILA AW... Lusun khawhar taka ka awm lai te,chhungkua harsatna ten min bawhbuai laia ka lungngaihna han sawipui tur ka neih loh lai te, ei zawnna leh damchhung khawsakna ngaihtuah changa ka hmabak ko zia ka hriat chang te leh kan fanu fapa ten kan rilru an hliam chang pawh a, ka nun chhungril taka thu sawitu chuan ka khawngaihna hi in tan a tawk viau a ni tih hi. Ni e, ka taksa te lo chau vin, natna ten min tlakbuak lai leh chhungkua kan buai lai pawha min ti chaktu chu khawngaihna hi a la ni reng. Thenkhatin khawngaihna uar lutuk hi rinna kawngah a him lo an ti ni awm tak a ni. Keimahah chuan a ni hauh lo, he khawngaihna hian ka nun a chawikanga, he khawngaihna hian Lalpa min fak tir a, lawmna chang hre turin ka nun a siam tha fo. Khawngaihna avang hian mi sual dum ber kha mi thianghlimah min siam a, tling lo kha fel famkim ka lo ni thei ta, mahni tisa chak zawnga tlan thin kha Isua Krista duhzawng ti turin he khawngaihna chuan ka rilru lung anga sak kha a ti tuiral ta a ni. Khawngaihna mak, mawi leh duhawm; Sual riangvai chhandamna; Suala bo hnu min zawng hmu ta, Mitdel mit varna chu. Chhiartu zawng zawng chungah Kan Lalpa Krista Isua khawngaihna awm rawh se.Amen.
Posted on: Mon, 29 Sep 2014 13:52:53 +0000

Trending Topics



Recently Viewed Topics




© 2015