HRINGNUN KHAWVEL : I ngaihtuah ve tawh ngai em? nang leh kei hi, khawvel pakhatah kan cheng dun a, kan inhmu in kan inkawm fo a, Mahse, chu khawvel hmun khat atang chuan, khawvel hran daih ve ve ah kan hun leh ni , kan nun leh kan ngaihtuahna hi kan hmang asin! Mak i lo ti viau a nih chuan zawhna i ngah dawn lutuk... Kei chuan ka chhang thiam lutuklo maithei che a ni. Chuti a nilo a, Mak i ti hranlo a, i ngaihtuah zawng thil te a lo nih ve thin hlauh chuan, he thu ziak hian i suangtuiahna chu a la peng kual ve rei ve ngawt in ka ring, Chuti nilo a, i hrethiam vaklo anih erawh chuan, ho i ti in a awmzia i hre hauhlo thung ang.... I hringnun khawvel atangin aw... i nun chhungril ngangmah ngei pawhin i hriat thiam loh leh i hriat phak loh kha, i thianpa / Thiannu khan a rawn hre chat thei angem,? i chanchin lang theilo chin, midang te pawhin rawn hmu mahse la, an hriat thiam miah loh tur thil kha, eng zah nge i neih i hre thei em le? I hlauh em em mai i hma chhawn dan leh nangmah a a lo thlen / thawh dan kha i thianpa bulah kim tak maiin i hrilh thiam angem?( Hlau bakleng a i hlauh kha i thianpa/ thiannu chuan a hlau ve miahlo thei tlat!) Eng thilah emaw i lawmna em em leh hlimna em em i tawng hlauh mai a, "ka lawm e, chumi khami vang chuan" tih bak kha i thinlung taka i lawm zia hrthiam tur khan i thian kha i hrilhfiah vek thei angem? Natna eng emaw i tuar a, na i ti khawp mai, i rilru a nghawng dan leh nangmah a athawh dan kimchang tak kha Doctor hma ah i sawi chhuak thiam angem? Sawi thui lutuklo mai ang aw, a chiang tawk tawh tho chuan ka hria... Khing zawhna tlemte te khi chhan theih i nei em? chhan theih i nei miahlo tiraw? i hre bik miahlo asin, khing zawhna zawng zawng khi pakhat chiah chhang theitu a awm chu chu, Min siamtu Kan Pathain chauh khi a ni a, khing thil lo thleng thei leh adang tam tak te pawh khi i hmachhawn fo ang, chu i hmachhawnna tak chu, nang ma khawvel bik chu a ni a. chu i khawvel chu he lei a kan chen ho dul dul lai hian a hran ngatin i nei bik asin.. Chu i khawvel ah chuan tu pawh rawn zuang lut dawn se, thil theih hauhlo anihna tak hi, mi bik i nihna tak pawh a ni thei awm e... tumah hian kan mimal nun hi kan inhriat pawh tak tak theilo a, tin, keimahni ngei pahin kan hre tak tak theilo fo a, kan hriat phak chin tlemte pawh hi, kan la sawi chhuak thiamlo fo zawk thin, Awle, asei lutuk dawn e, duhtawk dawn hnai teh ang... chutichuan, nangmah chauh khan khawvel hma chhawn bik i nei tawh tih i hrethiam chuan ka ring a, i hringnun Khawvel hmachhnawn bik a tang a mi dang i teh fo chuan, tumah i teh tling ngailo ang... Pangpar mawi em em mai hi i hmu a, i en kham thei miahlo mai a, i duh ngawih ngawih a ni. chu pangpar chu i thian tu emaw khan a rawn hmu ve a, a nalh tih loh zawng tak mai a lo ni hlauh mai a, a rawn sawisel chiam mai a, I hringnun khawvel atanga i thir dan leh i hmuh dan kha, i tan chuan a hlu a, mahse, a rawn hrethiam pha der silo.... in hringnun khawvel a in persan ta chiah a, i hringnun khawvel chauh i ngaihtuah chuan, i dem hle anga, mahse, a tha zawng a i ngaihtuah thiam erawh angai.......
Posted on: Thu, 10 Oct 2013 07:21:34 +0000
Trending Topics
Recently Viewed Topics
© 2015