Heart Story of the Day September 4, 2013 Dear Mama Lou, Hinaot anaa ka sa maayong kahimtang sa pagdawat sa akong suwat tampo. Tawga lang ako ug Maria 18 anyos, taga Lutopan, dakbayan sa Toledo. Ang akong ipa-ambit mao ang akong sugilanon ug suliran kabahin sa gugma ug ang mga kasakit niini. Labi na sa akong nasinati sa akong uyab nga si Jose. Typical ra ang among panag-ila. Na man kami sa bukirang bahin, ang kalingawan kasagaran ma fiesta lamang sa among lugar. Kuyog ang akong mga higala, nanan-aw kami. Didto sa maong kalingawan nagpa-ila si Jose kanako. Sunod nga adlaw nangayo na kini sa akong number ug nag text-text na dayon kami. Wala madugay iya na akong gi invite nga mga stroll-stroll kuno kami sa iyang motor. Sa among lakaw, nangutana siya kabahin sa akong lovelife, ni tug-an sad ko nga wala koy uyab, mao man usab kini ang tinoud. Sa pagka hibawo niya niini, ni padayag na dayon siya sa iyang gugma diri kanako. Wala sad ako nag langan, kay aduna man akoy pagbati kaniya, ako sang gisugot. Naa na dayon ang among mga lakaw-lakaw, mga dates ug uban pa nga ako gyung gikalipay tungod sa akong dako nga gugma kaniya. Wala man ako nangayo pa ug lain kun dili nga anaa lang gayud siya kanunay alang kanako. Ako usab anaa kanunay alang kaniya. Nagmalipayon ang among relasyon sulod sa pila ka buwan. Apan kalit lang nga naay kausaban. Nagkadugay, dili na kaayo siya mo text nako, o mo tawag ba. Panalagsa na lang sad siya makigkita nako, sukwahi kaniadto. Akong gisabot basin busy lamang siya sa iyang pagtungha. Hangtud na lang nga wala na gyuy text, walay tawag, din a gyud magpakita pa kanako. Naka sulti raba siya nako sa una nga kung dili na kuno siya mo text, buwag na kuno kami. Naa pa gyuy nakita sa facebook nga picture nga naa siyay ka-agbay nga laing babaye. Uban sa sweet kayo nila nga pahiyum. Dili ma lalim ang kasakit nga akong gibati, daw sa gidugmok ang akong kasingkasing. Ako siyang tawagan apan dili man ko niya tubagon. Nangita gyud unta ako ug paagi aron makahibalo sa tinoud apan wala man siyay panahon alang kanako. Dili mo tubag, dili mo reply sa akong mga mensahe sa iyang cell phone. Mao ra gyud unta ang among connection sa pagka karon. Nag lisod gyud ko ug move-on, nagkumbitay ako sa hangin kung unsa gayud ang status sa among relasyon. Unta iya akong sultihan, iya akong atubangon apan wala man gyud. Dako akong gugma kaniya, dili ako gusto nga mag buwag kami. Buhaton ko ang tanan nga magpadayon ang among relasyon. Unsaon ko man? Palihug tagai ako ninyo sa inyong panghunahuna kung unsa akong angay nga buhaton. Daghang salamat. Maria
Posted on: Tue, 03 Sep 2013 14:36:10 +0000
Trending Topics
Recently Viewed Topics
© 2015