Inyanga mthakathi---11 Ungamzonda umuntu kulumhlaba umhlukuze ngokwenyama kodwa umphefumulo ungawuthinti ngoba ulomnikazi. UNyanga wayesephelelwe engqondweni, ubuthakathi ungabenza kodwa okubuhlungu kuyaqeda bonke othandiweyo bakho kungakeqeli wena uqobo. Nango uNyanga wayesemi phakathi kwelangabi lomlilo kalusifa inkosi yamadimoni ngenxa yezenzo zobunyama. UNdovolo yena wayeqina kakhulu emthandazweni kanti amadolo la ayesejike aba mnyama okwembiza iphuma eziko. Njengoba uNyanga wayengela yona eyamadlozi waginqa impandla ecabanga mayelana ngenkomo ezazidingeka emalangeni amathathu, esigabeni saseMzingwane kwakungela lapho angaphephela kuye kwazise inengi laselimzonda uNyangamthakathi. Zazingamanga insuku lapho uNyanga wayelokhu ezama ukuncenga amathonga ethi mhlawumbe ayengamzwela kodwa kwakufana lokuyisukela indlovu ngempama. Owakwakhe wayesekhale zaze zoma nanko abantwana belokhu beyiziduli endlini. Heyi ngazenza mina bakithi, ngenzeni ukuze ngiphume kuloludaka? kwakutsho uNyanga imilomo isiphenduke ungqwaqwane, zaphela insuku ezintathu uNyanga elokhu ezula ngeguma okophambeneyo kanti labantu basebesithi sezikhutha. Bafa kanjalo abantwana bakaNyanga bengelacala kodwa befela izono zikayise. Akuzange kwaziswe muntu ngokufa kwalababantwana kanti uNyanga lowakwakhe balala besebenza ubusuku bonke kukhala ipiki lefotsholo egebhela bona abantwana engadini yakhe kanti babekwa okwezinja kambe umuntu eyedwa. Lokhu bakwenza ngenxo yokwesaba umphakathi, kanti kwathi kusisa laye wavuka ezisebenzela esenza sengathi kwakungenzakalanga lutho. Owayebuza ngalababantwana kwakuvele kuthiwe basebeyehlala eChipinge kuyisemkhulu ozala yena uyise. Kanti abantu loba babelensolo ngokwenza kukaNyanga ngalawomalanga kwakungekho ababengakutsho. UNyanga lowakwakhe basebephila kabuhlungu kube becabanga ngabantwababo engingathi nje umhlaba wawusubahlamukele..... Bakwethu engabe linjani ngezindawo? Ugwalo oluthi NGANGINGAZI olwaphekwa khonala ekhasini lukhona njalo luyathengiswa ongakwenza nje wena: Tsaya or Whatsapp NKOCY ku0738811179 uzitholele lona. Ngiyabonga mina....#Gudnite_and_be_blessed.
Posted on: Mon, 08 Dec 2014 18:33:20 +0000
Recently Viewed Topics
© 2015