JAKO AJAR SENENTANG PUJI & SEMBAH NGUNA GERAK TUBOH Kitai pecaya sembah ti ke amat datai ari ati siko-siko mensia, iya deka nyadi amat bereti enti ati kitai udah amat besedia. Enti ati udah nyadi kebun puji & sembah, stor endur kitai nyimpan utai ka manah, kitai deka ngiga jako dalam bup kudus senentang pendiau puji dalam jako serta ulah kitai. Kitai deka nguna tuboh kitai. Kingat ka tu ukai pengepun kitai, telebih dulu mesti nyedia ka ati diri empu. Bisi sekeda gerija ka diatu enda berapa nguna gerak tuboh dalam puji sembah, kecuali baka ka duduk enggau belagu. Kadang bala gerempong gerija deka bediri lalu belagu, tang maioh agi ka enda, bediri tu guna iya kena orang ngeliat ka isi sebedau jako ajar ti panjai deka di-dinga. Dalam buku judul iya, Worship (Sembah) – Ronald Allen, Gordon Borror, Multnomah Press, daun surat 120, penulis nya ngerekod jako kawan indu iya ti datai sembiang ngagai gerija karisma. Indu nya nanya laki nya tadi sama-ada bisi kah sida ngangkat ka jari ba gerija ti ukai di pegai gerija karisma, lalu iya nyaut nadai sida ngangkat ka jari. Lalu indu nya tadi bejako nganu iya nama kebuah sida nagang diri lalu enda nunda jako Tuhan, ba Masmor bisi madah ka nama pengawa patut di-kerja maia puji & sembah. Lalu kawan iya ngelaban utai ko iya madah ka buah pikir nya beli pendiau. “Engka Masmor bisi madah tegal pengawa nya, tang kami enda ngereja ka iya. Lapa kami patut ngangkat ka jari deh? Laban kebuah pastor bisi ngasoh kami ngereja pengawa nya pia?” Penulis nyambung jako iya: “Kaban aku madah ulah tu meh batang pendiau kitai; adat iya ukai adat kitai. Nama kebuah kitai ngereja iya deh?” Lalu dia tadi maie utai tanya ti penting bendar kategal gerak tuboh maia nyembah. Bisi kah adat nya nyadi penanggul, tauka dalam Bup Kudus ulih nerang ka kitai teladan ti patut di-titih enggau lebih silik agi senentang pengawa tu kah? Kami ngarap ka jako teladan dalam Bup Kudus ulih nyaup kami dalam ajar tu. Neleba ka diri ba puji & sembah nguna tubohKati kitai meri puji sembah enggau tuboh kitai ngagai Allah Taala? Enti ati udah nyadi stor endur nyimpan utai ka manah, kitai deka ngiga jako dalam Bup Kudus senentang muji & sembah nguna tuboh. Utai ti di-tulis dalam Bup Kudus bisi madah ka kitai maioh macham bengkah cara kitai nyembah & muji Allah Taala: Ari ngangkat ka jari kitaMasmor 141:2; 63:3-5; 1 Tim 2:8. Aram kitai sama berati ka pendiau sembah tu di-ikat ba ati kitai lalu berati ka lima iti sebab kitai ngangkat ka jari kitai. Tali ti nyambung ati enggau jari kitai Masmor 28:2Dalam Masmor 28:2, ditu kitai meda ati, jari enggau sada nyawa kitai begulai sama bekerja. “Dinga ka kangau aku leboh aku minta tulong nuan, leboh aku ngedar ka jari tunga ngagai Rumah Sembiang nuan ti kudus.” Jako dalam ati iya betampung enggau gerak tuboh iya ti ngangkat ka jari. Lagi kitai berati ka baru dalam Masmor maia David nerima pengasih Allah Taala ti datai ngagai iya, kitai deka meda ati iya betampung enggau pantun iya. Ayat 6 – 7 – “Beri puji ka Tuhan; iya udah ninga ka serabana aku ti minta saup. Tuhan ti nyaga aku, ti terabai aku; aku bepanggai ba iya.” Dalam Penyanggup Lama tu iya mandang ka kitai penalam ati mensia; jari tu simbol iya gerak tuboh, iya mega jalai mandang ka pendiau serta ati kitai. Iya utai ti chukop manah dalam meransang roh mensia, lain ari utai bukai. Enti kitai berati ka amat-amat jari orang ka be-pengelandik ngereja ka pengawa, nama aja meh utai bidang ka di temu iya, dia kitai meda ka pemintar Allah Taala ngaga kitai. Jari tu mega tanda pendiau dalam peragam ati kitai. Dalam Penyanggup Lama, ngangkat ka jari tu sigi udah nyadi utai biasa dalam sembah sida ngagai Allah Taala. Reti ngangkat ka jariReti dalam utai ka di-karap kitai�Masmor. 28:2; 88:9b; 143:5-16. Siko orang leboh sembiang ngarap ka pengasih Allah Taala nyaut ka utai di-pinta iya. Tu gerak tuboh ti bisi bepengarap: Allah Taala deka nyaut sapa ti minta pengasih enggau penyaup ari Iya.Reti iya nadai pemula dalam ati Masmor 134:2 Kitai ngangkat ka jari maia kitai nerima pemeri ari pengasih Allah Taala, iya mega mandang ka kitai nadai penyalah serta pemula, peneka belalai, tauka niat ti jaie. Reti angkat ka jari madah ka kitai utai deka kitai udah nyadi nyata, serta enggau nadai pemula ari utai ka di-karap kitai serta nganti Allah Taala nyaut kitai. Angkat ka jari ke-atas madah ka Allah Taala kitai nadai utai ka di-lalai ari iya. Nya kebuah pantun David meransang kitai “Angkat ka jari kita leboh besampi dalam Rumah Sembiang, lalu puji Tuhan!” – Masmor 134:2Reti muji Tuhan kategal pemanah Iya.• Masmor 63:3-5: ayat 4 – “Aku deka meri puji ngagai nuan seagi-agi aku idup. Aku deka ngangkat ka jari aku lalu besembiang.”• Nehemiah 8:6 Esra maia bala orang meri puji ngagai Tuhan. “Puji ka Tuhan Allah Taala ti Besai Kuasa!” Orang mayoh bela ngangkat ka jari sida lalu nyaut munyi tu: “Amin, Amin!” udah nya sida besugang, moa sida ningkap ka tanah.”• 1 Tim. 2:8 “Aku deka ka lelaki ba semoa endor nyerah ka diri ngagai Allah Taala lalu besembiang ngangkat ka jari sida dalam sampi enggau nadai pengeringat sereta nadai tengkar.”Aku nemu maioh orang, ti bisi ngebuan kebuah, enda ngangkat ka jari nitih ka teladan ba Penyanggup Lama. Aku ngaku aku berasai lelak meda orang milih serta maioh nerang ka jalai nyembah ti lantang agi ba sida iya. Jalai sida nyaut, kebuah, iya nya nunda ka dalam Penyanggup Baru enda entu setutju enggau kitai ngangkat ka jari.Bala orang fakulti ba Western Conservative Baptist Seminary bisi nulis buku judul iya Worship (sembah) dia sida iya meri saut ti ulih nulong kitai ari orang ka malu deka ngangkat ka jari. Sida iya ukai ari gerija Penticosta tauka gerija Karisma, sida iya mina deka ngetan ka pengarap sida iya nya sida arap ka ka Jako Tuhan:“Ngangkat ka jari dalam sembiang tauka ka dalam puji ka pemulia Tuhan ukai utai ti baru nyadi dalam gerija ti penoh enggau penalok, ukai mega utai ti bedau nyadi kemaia zaman sebedau Kristian dulu menya. Tang, pengawa tu endang bisi dalam Bup Kudus, ti udah di gaga kena puji & sembah dalam zaman Penyanggup Lama, serta di bai sida ngagai zaman Penyanggup Baru – nya alai, iya bisi dalam zaman kitai Kristian ka diatu.”Dalam bup nya, penulis bisi nulis utai di perati ka iya:“Maia enda nitih sembiang liturgi, kami bisi meransang orang ngangkat ka jari maia puji sembah enggau maia besampi…bisi gak sekeda lain asai laban enda teleba, tang lama ka lama sida enda nurut ka dagin sida alu ngelak ka kuasa roh Kudus bekerja ba sida iya.”Reti dalam pengarap, nadai pemula, serta muji Tuhan kategal pemanah iya, ngangkat ka jari nya baka bisi fungsi bukai dalam gerija. Bala ketuai gerija ngangkat ka jari ba depan bala eklisia maie reti iya nya meri berkat ngagai bala eklisia.Reti iya mai berkatIya ulih merkat ka orang bukai (Luke 24:50-51) serta merkat ka Tuhan (Masmor 134:2). Nama reti iya merkat ka Tuhan? (Peda Masmor 103:1-2)Reti iya nyerah ka diri enggau pengabis ati ngagai Allah Taala Masmor 63:2-4 Penangi leboh ngangkat ka jari kitaiEnti nadai ati deka nyembah dalam ati kitai, lalu kitai ngangkat ka jari enggau nadai tuju. Matt 23:27-28. Tuhan enggai meda utai kenya. Tuhan bisi ngelara kitai ba Isaiah 1:15 (Leboh kita ngangkat ka jari kita besembiang aku enggai meda kita. Baka ni pen pemendar kita sembiang aku enggai ninga, laban bisi darah ba lengan kita…) lalu jalai ti patut di titih dalam 1 Tim. 2:8 (“Aku deka ka lelaki ba semoa endor nyerah ka diri ngagai Allah Taala lalu besembiang ngangkat ka jari sida dalam sampi enggau nadai pengeringat sereta nadai tengkar.”) Serta dalam Masmor 134:2 (“Angkat ka jari kita leboh besampi dalam Rumah Sembiang, lalu puji Tuhan!”) Ari besugang enggau tunduk depan Allah Taala Reti sembah tu tadi madah ka kitai iya nya dua iti utai ti betampung enda tau enda di gaga segulai enggau gerak tuboh kitai. Dalam jako Hebrew reti iya tunduk nyerah dalam pemulia Allah Taala, tauka mua ngadap ka tanah. Pengawa tu dikerja kitai enti betemu enggau orang pemesai tauka rajah. Dalam jako Gerika meri tanda hormat sereta iya tau mega meransang penalok kitai.Pengawa tunduk tu simbol iya kitai meri terima kasih, nyerah diri, ngemaroh kadiri depan Allah Taala. Maioh macham cara ti di-tulis dalam Bup Kudus senentang besugang enggau tunduk, semua ngayan ka asai terima kasih, nyerah diri serta ngemaroh kadiri. Ba budaya Penyanggup Lama, tunduk serta besugang tu dikerja ka ba maioh macham jalai (Rut 2:10; Masmor 95:6-7; 2 Bansa Israel 6:12-13).Dalam Penyanggup Baru, Paul mega nunda besugang serta tunduk depan Allah Taala (Epesus 3:14-15; Pilipi 2:511; Rome 14:11-2.Maioh orang deka nunda budaya ba atas nya tadi. Udah tentu mega maioh orang mandang ka asai terima kasih serta ngemaroh kadiri enggau maioh macham cara. Enti sema bisi orang manah enggau kitai tauka ka bisi pemesai begulai enggau kitai, maioh kitai enda nyungkur kadiri ba tanah tunduk ngadap enti betemu enggau sida iya. Tang ba utai ti di tulis ba Pilipi 2:5-11 iya nya enti kitai besugang depan Allah Taala tu meh budaya ti manah. Pengawa tu ukai semina kena bala balu temuai aja, pia mega bala rasul ti talok, tauka bala rajah ti tegap dalam pengarap. Dalam Bup Kudus bisi madah semoa mensia ba dunya tu deka besugang depan Tuhan – Pilipi 2:5-11. Enti nya nyadi batang randau kitai, nama kebuah kitai ta enggai asai iya besugang nyembah iya ka limpas ari tu? Enti ati kitai ngaku Allah Taala nya aja meh Tuhan kitai ba serga enggau dunya, lalu besugang tu meh jalai kitai amat mandang ka ati kitai ngagai Tuhan. Penangi maia besugang enggau tundukEnggau semua gerak tuboh bisi mega kitai kadang salah jalai nguna iya.1. Kesatu, besugang tu ukai nya mesti di kerja ka kitai kena kitai nunjuk ka bebasa ngagai Tuhan. Maioh agi posisi bukai ti ulih guna kitai.2. Kedua, besugang nya ukai kena kitai mantai ka emosi ngagai Tuhan, iya diguna ka kitai kena tabi basa ngagai Tuhan – Masmor 42:5-6. Pengawa tu ukai nitih asai ati kitai3. Ketiga, besugang tu ukai kena ngukom diri empu, tang kena muji. Jako Tuhan enda ngasoh kitai ditinggang penusah, tauka ka minta simpati. Tuhan mina deka meda pemendar kitai dalam puji sembah. Belagu muji Tuhan dalam gerempongSembah peribadi kitai agi bedau cukup. David nemu sembah peribadi ngasoh kitai deka nyembah begerempong. Dinga ka kangau iya: “Aram enggau aku ngemesai ka Tuhan; awak ka kitai sereta muji nama iya!” Masmor 34:3Tu batang runding kitai: Nyembah secara peribadi kitai deka alu begulai nyembah dalam gerempong. Engka nya kebuah nadai siko orang nyembah kadiri empu ulih maie pemaik ngagai Tuhan ti bekuasa. Enti kitai nyembah begerempong kitai deka nerima saut Tuhan oleh tuboh Jesus Kristus. Leboh siko orang nyau nemu reti kati deka meri terima kasih ngagai Tuhan, nya baru sida iya meransang diri empu deka meri puji & sembah. Puji tu ukai utai ti diau diri, iya nya sada nyawa kitai. Dalam reti jako ti tuchi, iya ukai puji enti enda memunyi – Masmor 111; 103:1-5; 92:1; 145:4; 95:1; 100:1; 116:17; 145:1. Puji tu enda tau dilengka. Betepuk jariMasmor 47:1 Nama reti iya?• Jari tu ulih nanggung penyalah diri empu. Pemansut 19:13• Jari kanan lebih besai agi kuasa meri berkat ngagai orang. Pemungkal 48:14• Kena betabi jari. Rajah ti kedua 10:15• Betepuk jari tu mandang ka pendiau ati kitai maya kitai gaga dalam pengerindu tauka tauka kena Tuhan nyangkung kitai. Esekiel 25:6-7; Masmor 47:1• Jari di angkat maia besampi. Masmor 28:2; 63:4• Jari di angkat kena tanda semaya. Pemansut 6:8• Betepuk jari nya tanda iya enggau gaga ati meri puji. Rajah ti Kedua 11:12Nama utai di padah iya ka kitai dalam puji & sembah?• Asai pengaga ati kategal utai ti udah diberi Tuhan serta utai ti ka di kerja ka Tuhan ila ba kitai. Masmor 47:1; 98:8Ari pemeriMasmor. 96:8; John 12:1-8; 2 Kor. 9:11-15
Posted on: Thu, 10 Oct 2013 12:36:05 +0000
Recently Viewed Topics
© 2015