NGAIDAN/UMDAN/HRIETDAN A INTHAWK IN PENKHAT BEK INSAWN EITIEU........... Pathien in khawvel asiem khan hnam asiem nghalnaw a, A mihriem siemhai in khawvel an hung hluo sipa, mihriem varna le thiemna ahung insang peia, ropuina hnawt le hrattawk a inngaina chun tawng tamtak ahung phursuok ta anih ti Bible a eihmu anih. Chu rasuok chu HNAM hi ani eitinaw theinaw a, chuonglaichun Hmar hnam khawm hi athang ngei bawk anih. Anleh, vawisunni hin eini Hmarhai hin ieng lungril am eiput in iengang charin am eiin hmua? ti hi ngaituo tham antanaw maw? Ropuia inngaina, chapona,hmasielna le duamna hin ei hnam hi a run in a bei mek annaw maw? Hnam nghirhmun indiktak ngaituo chienga, ei ngaidan le umhmun hai khawm andik chie am in enfie ahun naw maw? Ringumna, tlawmngaina, dawtheina, inpekna, thuhnuoirawlna, huoisenna le ei hratnahai kha kawlam an umzo anta leh? Hnam dangin anmi chung enna ei hnam ziemawi, nunmawi tak2 le eithuom mawi tak2hai kha khawlam eisietha zo ta a? Thawro, unau ngaituotlang eitieu a eithuom mawi tak2 eisie ap zotahai kha sukfai eitieu a inthuom tharnawk eitieu. Vawisunni hi eihuntha le eihun hnuhnung ani ti hrie in nang le kei hin hma thuoi eita penkhat bekin hmatieng insawn eitih. Ei hnam hmangaina lei chauh in ei u le nau hai chun runlum hluo zo lo in piellei thuoriet hnuoi a thlunglu phum in doral tawnin famdairiel an chang zo ta a, hnam kal siemin thuro (history) ropuitak an lo siem tah, chu thu chang le thuvawn ansiem chu thukharna le thu tawp umtheilo in sum angin ei in thamral tir el di’m anih? Annawleh, sunzawmtu le suzuitu umlo in chu sin ropuitak chu tienami angin eihril chau ding am antah? Kha’ng eihnam tadinga thisen le hringna inhlan tahai in ro phumruk anlo hmu hai le anthlahai, thangthar hai, chen in an la hung lawm ding lungril mittla le ngaituona mang a anlo mang hlakhai kha tawnmang ram ang cho in ei in chan pek el ding am anih? An vawisun nihai kha vawisuna eivawisunni ding hin anlo inhlan ta anikha, einikhawm ei vawisun nihai hi ei thlahai tadingin inhlan ve dingin hma tieng pensuok eitieu. “ Hmu a lawmtuhai chu vangnei tak annih” ati ang in einikhawm hmu a, hriea, zawmtu eini chun eilawmna ding ni chu la hung inher suok ngei atih ti hrietu le ringtu hai einivetheina dingin Ditsak ka hung inhlan seng cheu.. Huoisen taka pensuok dingin, nang ihmun a kei ka hmun a ti in... H-M-A-R VUL ZING RAWH.....
Posted on: Mon, 28 Oct 2013 18:27:55 +0000
Recently Viewed Topics
© 2015