Pathian thu hi inkalh thin anga lanna a awm thin a. Eg:- Sam ziaktu chuan, tlan bo a tum a tum a, vanah han lawn ila, chutah chuan I awm a, seolah mutna siam a tum a, Pathian a lo awm leh bawk a, zingthla zarin tuifinriat tawpa thlawh daih a tum pawhin Pathian a lo awm leh tho mai. Awma a nihna a hmu chiang hle mai. Awma hian awm lohna pawh a nei chiang hle a ni. 1 Lalte 19:11-12 ah hian A zawlnei Eliza hmaah thlipui na tak, tlang pawh chhem khi phawk phawk khawpin a lo thawk a, chu mi thliah chuan LALPA chu a awm lo. Lir a nghing leh a, lirnghingah pawh a awm chuang lo. Lirnghin zawh chuan mei a lo chhuak leh a, chutah pawh chuan LALPA chu a awm chuang lo tlat mai. Hei hian entir thuk tak a nei a ni. Thuthlung thara Tirhkoh tawng chuan Rinna chu mi zawng zawngah chuan a awm lo, a lo ti ve leh bawk. Pathian thu kan ei a, a tha e, kan ei hian min ei let em? Bible kan chhiar a, a tha e, Bible hian min chhiar let em? Dam chhung ropuina lem, Paa chhuak ni lo hi kan lo buaipui viau mai lo maw? Nang, Pathian mi chung thilte chu tlansan la, Pathian ngaihsak, felna leh rinna te, hmangaih, thuhnuairawlhna te um zel rawh, rinna intihsiakna tha chu bei la, chatuan nunna thu chu vuan tlat zelin... Rinnaah chuan in awm emaw, nangmahni ngei inchhin thin ula; nangmahni ngei in fiah thin rawh u. 2 Kor 13:5
Posted on: Thu, 14 Nov 2013 07:40:38 +0000
Recently Viewed Topics
© 2015