To, The Editor The A•chik Songbad, Meghalaya Dated Bajengdoba, the 12th July 2013 Subject: Sakgittam ANVC(B) cadre-rangko North Garo Hills-o doka – Talatani. Sir/Madam, Re•anggipa Budbar wal 10th July 2013 tariko ong•anggipa obostani gimin adita seachi talataniko dakna sikpaenga. Salantini Janera-o ANVC(B) Publicity Secretary-ni gatatni gita ong•chongmotja. Omorpul Songni Sordar ANVC(B)-ni dol-ko golpona okkamata dongjachim. Lt. Hidro Sangma aro Shri Chan Marak banga somoionin Omorpul songni Sordar-ko phone-chi kamikken•ataha. Uandaken, 10th July 2013 tarik Budbar walo silchidare ra•bitgipa jean an•tangtangko ANVC(B) dolni manderang ine paraka uamang Omorpul songona re•bae Sordar-ko jinmao roaoniko rim•sruke rim•angaha. Aditani jamano, Sordar uamangni jakoni joke katna gita cholko man•aha. Unon Bajengdoba area gimikni manderang obostako knaon rang•sanan ua dol-ko chagrope namen dokaha. Uamangoni sak dok manderang joke katangaha. Doka man•gipa manderangni jakoniko pistol ge•gittam man•aha aro UALA aro ANVC(B)-ni bimingo tarigipa Demand Note-rangkoba man•chapaha. Ia kamrang da•ororo chamberangko ong•gija ramaona dilsretani ong•a ine pilakkan jegalaniko mesokaha. Aro ANVC(B)-ni dilgiparangko an•tangtangni manderangko namgijagipa kamrangko dakjachina ui•ataha. Secretary Omorpul Village North Garo Hills, Meghalaya.
Posted on: Fri, 12 Jul 2013 12:01:18 +0000
Recently Viewed Topics
© 2015