WEEEHHHHHH DI NGA ???? BAKIT PURO OPOSISYON ANG NADIDIIN, IBIG SABIHIN WALANG CORRUPT NA NASA ADMINISTRASYON??? MALAKING ESTORYAHE, PARE-PAREHAS LNG MGA YAN .... WALANG COVER-UP SA PORK BARREL SCANDAL -- PALASYO Nina Boyet Jadulco at Dindo Matining Tiniyak ng Malacañang na walang cover-up sa pork barrel fund scandal. Ito ang binigyang-diin ni deputy presidential spokesperson Abigail Valte matapos tumanggi ang kaalyado nilang si Senate President Franklin Drilon na pirmahan ang inisyung subpoena ni Sen. Teofisto Guingona III upang padaluhin sa susunod na hearing ng Senate Blue Ribbon Committee si Janet Lim-Napoles. Ayon kay Valte, walang basehan ang mga espekulasyon na hinahadlangan ninuman sa gobyerno ang pagkanta ni Napoles. Si Drilon ay kumatig sa opinyon ni Ombudsman Conchita Carpio-Morales na nagsabing hindi advisable na padaluhin si Napoles sa pagdinig ng Senado sa pork barrel scam. “Alam n’yo po, iyong mga ganito, tingnan ho muna natin iyong pinag-uusapan. Ang dami ho kasing sabi-sabi, ang dami ho munang mga pinapakawalang kung anu-ano para maging para ma-muddle iyong usapan,” ani Valte. Samantala, sinabi naman ni Guingona na kanyang idedepensa ang karapatan at kapangyarihan ng Senado kung hindi ito kaya ni Drilon. “If the Senate President refuses to defend the power of the Senate, I must continue to defend it myself,” ani Guingona. “The Senate cannot surrender its powers without a clear legal justification.” Aniya, wala siyang makitang rason kung bakit hinahadlangan ni Drilon ang pagdalo ni Napoles sa Senado gayong pinayagan nitong makaharap sa Senado ang mga whitleblowers. “If we accept the invocation of the Ombudsman’s power to protect the confidentiality of matters before it, then the Senate President should not have signed the subpoena for the whistleblowers,” ani Guingona. Sa kaugnay na ulat, itinanggi rin ni Valte ang mga espekulasyon na inatasan ni Pangulong Benigno ‘Noynoy’ Aquino III si Justice Secretary Leila de Lima upang huwag dalhin sa hearing ng komite ni Guingona ang mga testigo sa pork barrel fund scam. Nauna rito, dahil sa ‘di pagbitbit ni De Lima kina Benhur Luy at Merlina Suñas sa hearing ay labis itong ikinagalit ni Guingona at sinabon nang husto si De Lima. “What you have done is unprecedented. Unprecedented. And in my view, you have attempted to undermine and diminish the power of the blue ribbon committee. I’m very, very disappointed,” bahagi ng panenermon ni Guingona kay De Lima. “And I don’t agree with your stand. I’m therefore issuing a subpoena for you, directed to you to have the whistleblowers appeared before the Senate blue ribbon on Thursday, 10 in the morning,” dagdag pa nito. Ayon naman kay Valte, hindi katanggap-tanggap ang naging pagtrato ni Guingona kay De Lima dahil humarap naman ang kalihim sa komite at nagbigay ng tamang rason kung bakit hindi niya nabitbit ang mga testigo sa pork barrel scam. “Sa amin lang naman pong paningin, doon sa aming na-witness doon sa exchange na ‘yon, is that when a person like that goes there in good faith, hindi naman ho siguro dapat magiging ganoon ang pagtrato sa kanya dahil humarap naman po nang mabuti at nang maayos ‘yung kalihim natin ng hustisya,” paliwanag ni Valte. Aniya, hindi nila inaasahan na ganito ang magiging pagtrato ni Guingona kay De Lima. admin chiz
Posted on: Wed, 25 Sep 2013 05:07:38 +0000