الدنيا مرة و كل واحد كيفاش الضربة جاتو : . . . . . كاين لي يحب من قلبو و غدرة لحبيب راهي بكاتو و كاين في وقت الشدة لقى روحو وحدو هادي الصحبة لي غدراتو و كاين لي وكلاتو و لبساتو .و في قصور كبيرة سكناتو و كاين لي مشتاق لقمة .و زادت للمزيرية رماتو و كاين لي عاش وحيد و حزين .من شوفت والديه حرماتو و كاين لي عايش يتيم و يتفكر كل يوم والديه لي ماتو و كاين حاب يقطع لبحور و مخلي يماه لي رباتو و كبراتو و كاين لي مرتو تحكم فيه على جالها رمى يماه لي ولداتو و كاين لي راه عايش فلغربة من فراق والديه كره حياتو و كاين لي رفد والديه على جالهم سمح في كامل حياتو و كاين لي قرى كامل حياتو و الله غاب بلادو حقراتو و كاين لي مرمي فلحبس و الدولة هي ظلماتو و كاين لي مريض مرمي في سبيطار يتمنى الموت خير من حياتو و كاين لي يسرق الغاشي و الناس على جال الزطلة لي هبلاتو و كاين لي دخل في وسط لمافيا و شر العباد هادي الخلطة وين وصلاتو و كاين و كاين و كاين و ما يحس بلجمرة غير لي كواتو و الحمد لله على كل شئ
Posted on: Sun, 15 Sep 2013 13:30:32 +0000
Recently Viewed Topics
© 2015