امبارح فى اكتوبر فى واحد من المطاعم المشهوره (مؤمن) كنت واقف اجيب ساندويتش - دخل عيل صغير عنده حوالى 8 سنين لابس لبس متوسخ - ودخل بكل ادب للراجل بتاع الكاشير وقاله - ممكن شوية بطاطس ياعمو لو سمحت لانى جعان - الكاشير بصله بقرف وقاله اطلع بره وزعق فيه وطرده من المطعم - الطفل حط وشه فى الارض ومقلش ولا كلمه - بس دموعه نزلت قدامنا كلنا وطلع قعد على رصيف قدام المحل بيعيط واحد من الشباب اللى كانوا واقفين يشتروا من المطعم فضل باصص للطفل شويه وخرج من المطعم ورجع والطفل فى ايده ومسك ال menu بتاع المطعم - وقاله شاور على الساندويتش اللى انت عاوزه - الطفل قاله انا عاوز شوية بطاطس وبس - الشاب اصر ان الطفل يطلب الساندويتش اللى هو عاوزه - لارج - وطلب له معاه بيبسى وبطاطس وقعد الطفل على الترابيزه اللى فى وش الكاشير اللى زعقله - الولد دموعه نزلت تانى بس من الفرحه .. وكل الناس فى المطعم كانوا مبسوطين جدا لسه الدنيا بخير .. والموقف ده ادانى امل . ولسه غالبيتنا عندهم طبقيه مريضه انا عارف الشاب اللى عمل الموقف ده شخصيا - ورفض انى اذكر اسمه - ولما قولتله انى هكتب اللى حصل ده - قالى - خلى الناس تدعيلى ان ربنا يتقبل ويجربوا يفرحوا الناس # جربوا_تفرحوا_الناس منقول
Posted on: Tue, 12 Nov 2013 19:41:36 +0000
Trending Topics
© 2015