سمعيني آفلانة ... يا لي دايرة تصاورك فالفيسبوك عريانة ... بحالك بحال الكبش نهار العيد بلا بطانة ... واخا هاكاك سعيدة وفرحانة ... لي جا يڭول ليك نتي ساطة مزيانة ... فلان يدير لتصاورك جام وفلان يضحك معاك ساعة ديال المڭانة ... واش هاد شي لي تعلمتي من ميلودي ومزيكا وروتانا ... هاد شي لي ورّاتك (2M) وبنات للاَّاك منَّانة ... تأترتي بالمغنيات والفنانة ... ها شاكيرة ها ريهانا ... تبعتي المسلسلات التركية وبغيتي ديري بحال السلطانة ... باغا تعلقي فين تفلقي ونتي حتى فكرشك ما شبعانة ... العام لي جا يلقاك فالحب غرقانة ... هذا يتصاحب معاك شهر وهذاك يتصاحب معاك سيمانة ... فالليل مع التيليفونات تباتي سهرانة ... وفالصباح تصبحي ناعسة بحالا سكرانة ... نوضي تشقاي لا راني سخفانة ... نوضي تعجني لا راني فشلانة ... نوضي تصبني لا راني عيانة ... وإلا عيط حبيبك تنوضي تنقزي كيف جرانة ... بغيتي راجل ؟ صبري مالك زربانة ... واش عند بالك زعما غادي يجيو يخطبوك ويتزوجو بيك لا راكي غلطانة ... راه ماغادي يقبل عليك لا هذاك لا هذا لا انا ... شوفي غي الطعام لي بلا غطآ شحال كايجمع عليه من ذبَّانة ... كوني محتارمة وحتارمي سمعة واليديك وماتكونيش شيطانة ... شحال قدك تهربي من الحقيقة دابا تفرڭع الرمانة ... كاين لي غادي يعجبها الكلام وكاين لي غادي يجيها إهانة ... عارف المعقول ما بغاه حد ولكن وصلت الأمانة !!
Posted on: Tue, 20 Aug 2013 21:36:28 +0000
Trending Topics
Recently Viewed Topics
© 2015