عــلى هادي ما نروحش لسطاد - TopicsExpress



          

عــلى هادي ما نروحش لسطاد بزاف تـشوف نقوشة بـ الكومبلاوات في حومتو يدي الكف و البزاف فـ السطاد بوندانة فـ الراس و كلونداري فـ البوكسور بريكي ما يخلوكش دخلو معاك مي كي تدخل تشوف ناس بـ البوشية و الميني سيف موسطاش حياتو قع فا الجبل يلبس توني تع الدولة يولي يحس روحو شيكور يضرب فـ المصاغر ما تقدرش تروح لتوالات حاشكم ' ينيكك لعطش الجوع .. ‘إلخ ملعب يتسع لـ 80 ألف متفرج تلقى 100 ألف ' فـ المبارايات الحاسمة ' فـ أوربا 5 دقائق قبل الماتش باش يبداو المناصرين يدخلو و يتعمرو في 3 دقائق حنا مـ لـ 1 و نتا دير لاشان باش تدخل على 4:30 و الماتش يبدا على 18 قانون الغابة القوي يأكل الضعيف .. عقلية عنصرية حومة يضاربو كونطر حومة .. و الخرجة لمن إستطاع إليها سبيل ... ناس تتقاس ناس تموت قدامك .. و نتا ما تقدر دير والو ماشي بيدك للاعبين همهم غير دراهم ما يلعبوش على ألوان الفريق .. ما يهمهمش حتى هاد المناصرين ملاعب مهترئة يا سبي مدرجات عرضة لسقوط و لي يموت شكون ؟ زوالي مصغر حب يديفولي شويا ينحي على خاطرو بين دقيقة عشا ميت يماه تبكي الدم عليه .. فـ الأخير تسمع فـ وسائل الإعلام تع شكوبي سقوط مدرجات في ملعب 5 جويلية ووفاة شاب فقط ...و الأن نختم النشرة بـ أهم الأخبار ... بوتفليقة بوتفليقة بـوتفليقة ... شغل لي ماتو هادوك كلاب ! الله يرحمهم .. للأسف ...
Posted on: Sun, 22 Sep 2013 20:11:54 +0000

Trending Topics



Recently Viewed Topics




© 2015