US President thin Eisenhover kha tum khat chu Denver-ah chawlh hmangin a zin a. Newspaper ah chuan mipa naupang kum 6 mi, Paul Haley cancer vei lai mek in amah a hmuh chak zia a chhiar fuh hlauh mai a. Tichuan President chu mipa naupang te in ah chuan Chawlhni zingah chuan a va kal a, an kawngkhar chu a va kik a. Pu Donald Haley,Paula pa in kawngkhar an hawn chuan a rin loh tak maia US President a luhka a lo ding chu a hmu thut mai a. Donalda chu a lo inchei lo hle mai- jeans kekawr a ha a, kamis hlui tawh tak a ha bawk a, a hmuihmul pawh a ziat lo. President chuan naupang Paul chu bia in, muangchang a hruai chhuak in a President limousine te a entir a, chibai a buk a, a hawsan leh a a. An thenawm khawveng te chu President in Paul a tlawh avang chuan an hlim khawp mai. Mahse a pa Donalda erawh a hlim thei lo. Inchei miah lova President a lo hmachhawn kha hrehawm tiin, Khatiang kha em ni US President ka lo hmachhawn dan tur tiin amah leh amah a in zawt let fo. Kan Lalpa Isua Krista hi a lo kal leh dawn. Engtik hunah nge a lo kal dawn kan hre lo. Chu mi hunah chuan eng angin nge i lo hmachhawn dawn? Biakin a i awm laiin nge zu hmun sa hmun a i awm laiin. Inngaihtuah chian a hun ta.
Posted on: Thu, 20 Nov 2014 11:48:05 +0000
Trending Topics
© 2015