------------ بتعرص يا محمود!!؟ --------- قصص واقعية من ملفات المخابرات الطبية تويتر : https://twitter/kazakhelo فيسبوك : https://facebook/Sha5razad تمبلر : kazakhelo.tumblr/ زمان كده و انا لسه مدرس مساعد ورور واحد صاحبي الله يحرقه مطرح ماهو متلقح بتاع نسا و ولادة كلمني و قاللي انت فين؟ قلتله انا في القصر العيني قال لي في حالة ربع ساعة في مستشفي في ش الهرم حاعدي عليك في القصر العيني اخدك نعملها و ارجعك تاني و انا مزنوق و بتاع و لازم تييجي .. الخ المسشتفى كانت في ش متفرع من ش الهرم و محصلتش لا مستشفى ولا مستوصف ولا مستوسخ هي أوضة في شقة عبارة عن ريسبشن، حمام و أوضة عمليات دخلت ابص ع اوضة العمليات لقيتها أقرب إلى ترابيزة سفرة، و اسطوانة اكسجين، و جهاز بنج كاورك تحس انك في حمام يعني بس الحاجات دي و الادوية تقضي الحالة دي في الحالات دي مع الاماكن دي أأمن حاجة تبنج بيها هو دوا اسمه (الكاتلار) ،أيوه هو الدوا إياه اللي ساعات بيعمل هلاوس جنسية و دينية جت العيانة و أهلها، ابوها عامل زي فيلم حمادة يلعب اما كان بيدور ع ليلى السد أحمد و راح بيت الدعارة الراجل القصير ابو شنب هتلر و طاقية العيانة نفسها بقى عاملة زي البنت اللي كانت في بيت الدعارة :) مُلعَب اخر حاجة و مرقعة اخر تلات حاجات و نظرات و حركات و بتلاغي اي دكر معدّي جوزها كان واقف جنبها زي الهلف انا قلت احاااا دا الكاتلار بيعمل هلاوس جنسية، و البت أصلا و هي فايقة بتهلوس هلاوس جنسية فما بالك بعد الكتالار قلت من باب الامان خلي جوزها يحضر العملية (عادي بتحصل) بدل ما تهلوس تقول اغتصبوني و ساعتها اهل المنطقة كلهم حيوجبوا معانا و شرحت لجوزها قصة الهلاوس الجنسية دي الست جوزها جنبها ف العمليات و بتلاغي، طب يا بنت الوسخة دا انتي ممكن تبقي بين ايدين ربنا كمان شوية ، و بسببك ممكن كلنا نبقى بين ايدين ربنا بدأت أسألها صايمة ولا لأ ، لو بتشتكي من حاجة ، فبأقولها في مشاكل في الكبد ، في الكلى فقالتلي : هيهيهيهيهيهيههي (ضحكة رقيعة ) انا كبدة و كلاوي حديد و بعدين هي اللي سالتني : اسمك ايه يا دكتور ؟ فقلتلها : خالد قالتلي متخافش خالص انا يا دكتور خالد في الكلاااااااوي حديد هيهيهيههيهي انا قلت ابنج بسرعة قبل ما تاخد رقم تليفوني و الشيطان شاطر او بدل ما جوزها يشد مشرط و يشق بطنها و بطني و تبقى دي نهاية فرقة خالد البنجية المهم اتبنجت بالكتالار و اتعملت العملية تمام و بدأت تفوق و كل ده جوزها معانا فاقت زي الفل و الاول مكانش في هلاوس ، خارجين من باب العمليات بدأت تهلوس : انا في الكلاوي حدييييييد يا دكتور خااااااااااالد هيهيهيهيهيهيهي بعد شوية الهتاف تتطور الي : اديني في الكلاوووووووووي حديد يا خلوووووودة اديني في الكلاوي جامد اديني يا جاااامد هيهيهيهي يا خلودة طبعا انا بصيت لجوزها و قلتله انت عارف الهلاوس دي زي ما قلتلك عليها حتاخد عشر دقائق و تخلص الرجل كان متفهم و قال لي تمام يا دكتور إنت تمام لقيت ابوها داخل جري ع جوزها هو ايه اللي تمام يا محموود؟الدكتور تمام ازاي؟ الدكتور عمل ايه في مراتك يا محمووود إداها ايه؟ وهي بتضحك كده ليه؟ قالوا لا يا حج دي هلاوس بنج جنسية و محصلش حاجة كل ده و هي بتهتف في الخلفية (آآآه إداني .... جااااامد آآآآآه ) قام أبو البنت ناطط في الهوا و لازق محمود بالقلم و هو بيقول له : إداها يا محمود ! و تقول له تمام !! انت فاكرني مش فاهم و كمان بتعرص يا محموووود بتعرص على مراتك يا محمووووود طبعا في هذه اللحظة انا كنت في ثانية في أول شارع الهرم و متسألنيش ازاي بس انا جريت جري أسرع من كارل لويس في عزّه ، تيبيكال جري حرامي غسيل طبعا الواد بتاع النسا شردت له في مصر كلها و تقريباً بطّل شغل بسببي بس الواحد اكتشف ساعتها اني ممكن اقدم اوليمبياد ١٠٠ متر فزع بقية القصص على تويتر : twitter/kazakhelo أو على فيسبوك : https://facebook/Sha5razad أو على تمبلر : kazakhelo.tumblr/
Posted on: Wed, 13 Nov 2013 19:18:28 +0000