1st Bhutan CFC update: 1st Bhutan CFC Foundation Cup ah ZFC final lut Vualzohna trophy toh inlam zot ahiding: Manager Robert Sianmung March 1-16,2014 sung daih ding Bhutan mun a 1st Bhutan CFC Foundation Cup Football Tournament 2014 pailel ah chial a om Zomi Football Club(ZFC)te tunitan in lamzangtak in paitou theizel uhi. Ningani nitaklam dak 3.30 a Phungsoling Football Stadium mun a semi-final kimawlna thupitak om ah Zomi Football Club(ZFC) in Penalty ah 5-4 in akibeihpih Kolkata SAI zoukhia in vualzohna ngah hi. Full time tan in ZFC leh Kolkata SAI 2-2 in ki-draw uhi. ZFC lam a kipan in ball peksiam Zomi pasalpha Siam leh Naute-te’n goal khat tuak khumkhia uhi. Sintawpni nitaklam dak 3.30 in semi-final dang khat om nawn ding a, Siliguri a North Bengal Police team leh Sikkim Himalaya Team-te kibei ding uhi. Hiai a vualzou penpen toh ZFC-te final ah kibei ding uhi. March 16(Pathianni) nitaklam dak 3.30 in Phungsoling Football Stadium mun ah Final kimawlna thupitak om ding hi. ZFC manager Robert Sianmung gendan in, maban a final hun akibeihpih dingte uh maingap mahmah uh ahihdan gen a, Bhutan leitang akipan vualzohna trophy toh inlam zot ahihngei lam en mahmah hi. Manager in agenzelna ah, Coach Lemll Guite kipiakzohdan leh kipumpiak dan thupisa mahmah a, mipite thumpihna gah loutouzel uh ahih dan leng genbeh hi. Mipite’n leng final hun a vualzohna ngah ahihtheihna ding a thumna toh kithuahpihzel ding in Manager Robert Sianmung in ngetna bawl hi. Robert in agenzelna ah, maban a Nepal mitsuan nawn ding uh ahih thu gen hi. Courtesy: #zogam_online
Posted on: Fri, 14 Mar 2014 19:59:49 +0000
Trending Topics
Recently Viewed Topics
© 2015