20 AUGUST 2013 RATTRI 1:45 SIDDH SHAKTI PEETH, PURAANI CHAMUNDA, KANGRA ( H.P ). SADHANA PURI HUE LAGBHAG AADHA GHANTA HO CHALA THA……. PARAAT KI BHANTI, SHRAAVAN MAAS PURNIMA KE UDIT CHANDRAMA GHATAO ME LUKACHHPI KARTE HUE RUK-RUK KAR APNI MOHAK CHATA BIKHER RAHE HTHE…… BARSATI THANDA MOSAM,SHEETAL PAVAN, NEECHE DAAI OR FAILA HUA KANGRA TATHA UPAR BAAI OR AASMAN KO CHHUTA AADHA BADALO ME DHAKA DHOLADAAR. APNE 2 SAHAYAK SHISHYO PRAKASHVAN OR OMKAAR KE SAATH KANGRI SHAAL LAPET KAR AIK PATTHAR PAR BAITHE GURU JI. GARAM CHAAY KI CHUSKIYO KE SATH HANSTE MUSKURATE VARTALAP PRARAMBH HUI…… TO 2-4 LADKE LOG GURU JI KI BATO MEN RUCHI LETE HUE AA BAITHE. GURU JI :- ARE OM…… CHAA HAI KE MUKI GAEI…? INA CHHORUA NE VI DAEI DEYA JARA-JARA KI…… SHEET LAGGA DI HONI…… ( PAHADI BOLI ) SAB CHHAY PEENE LAGE….. TABHI PAS KE HI GAAV KHANIARA SE AAYE SHYAAM NAAM KE AIK LADKE NE KAHA :- GURU JI KUCHH BHOOTO KE BAARE ME BATA DIJIYE…… US SAMAY BHOOTO KE VISHAY ME JO PRASHNA VARTA HUI USKE KUCHH ANSH PRASTUT HAIN……… SYAAM :- GURU JI BHOOTO KE BARE ME BADI BATE SUNI HAIN, KYA BHOOT HOTE HAI…..? GURU JI :- HA… HOTE HAIN ! PAR LOGO MEN UNHE LEKAR KUCHH BHRANTIYA HAIN. SYAAM :- JI KYA ? GURU JI :- SABSE PEHLI BAAT TO YE JAAN LO KE BHOOT AKHIR HOTE KYA HAIN. BHOOT…. YAANI KE KAAL KA VEH CHARAN JO GUJAR CHUKA HAI. VAHI BHOOT HAI. KINTU YEH DHARNA GALAT HAI KI BHOOT YA JO GUJAR CHUKA HAI VO LAUT KAR VAPAS NAHI AATA HAI….. AATA HAI…..AA SAKTA HAI… KABHI SVAYAM AATA HAI TO KABHI USE BULANE HETU USKA AAVAHAN KARNA PADTA HAI. KYONKI VEH BHALE HI GUJAR CHUKA HAI PARANTU NA TO NASHT HUA HAI OR NA HI SAMAPT HUA HAI…. NA HI MRIT HI HUAA HAI….BAS KAAL KE ME SAMA GAYA HAI….. SYAAM :- SAMJHE NAHI…..GURU JI. GURU JI :- GAT VARSHO ME YAA PURV JANAM ME KIYE GAYE APNE-APNE KARM PHALO KE ANUSAAR NIYATI SABKI GATI NISHCHIT KARTI HAI. JESE KARM HONGE VESI HI GATI MILEGI….. DURGATI YA PARAMGATI. SHAREER KI MRITYU KE PASHCHAT JANMA MARAN KE CHAKRA SE MUKT HO KAR PARMATMA TATVA ME VILEEN HONA HI ‘ PARAMGATI’ HAI. KINTU PUNH: NAYA SHAREER DHAARAN KAR MRITYULOK YANI IS PRITHVI PAR BAR-BAR AANA HI DURGATI HAI. YAHI NARAK HAI. KISI AATMA KE LIYE IN DONO AVASTHAO KE MADHY KI AVASTHA…… JISME PURANE SHAREER KI SAMAPTI KE BAAD NA TO AATMA KO NAYA SHAREER MILTA HAI OR NA HI PARAMGATI…… YAHI KISI AATMA KA BHATKAAV HAI. OR IS BHATKAV KI KAALAVDHI YAA TO NYATI HI JANTI HAI OR YAA TO SVAYAM VEH BHATAKTI AATMA. KABHI KABHI YEH BHATAKTI MRIT AATMAYE LOGO KE SAMAKSH DRISHTIGOCHAR HO JATI HAIN….. LOG INHE HI DEKH KAR DAR JAATE HAI OR BHOOT –BHOOT CHILLA KAR YA TO BHAG KHADE HOTE HAIN YA TO BHAY SE MURCHHIT HO JATE HAIN. KYONKI VEH JO DEKHTE HAI VO UNKI KALAPNA SHAKTI SE BAHUT PARE HOTA HAI. SYAAM :- YE BHOOT YA AATMAYE KAISI DIKHTI HAIN? GURU JI :- HALKI PARDARSHITA LIYE HOTI HAI…. KABHI VASTRO OR ALANKARO SE SUSHOBHIT TO KAHI NGNA AVASTHA ME DIHTI AI. PAL ME DIKHNA PAL ME LUPT HONA INHE AATA HAI. VAYU KI GATI SE BHRAMAN KAR SAKTI HAIN. OR INHE KISI GHAR ME JANE KE LIYE DARVAJA KHOLNE KI AAVASHYAKTA NAHI HOTI HAI YE TO SIDHE DEEVAR ME SE HI APNA RASTH BANA LETI HAIN. MEHSUUS KARNE PAR YEH RONGTE KHADE KAR DENE VALI THANDI HAVA KE JHOKE KE SAMAAN HOTI HAIN. SYAAM :- HAMARE PAPA KEH RAHE THE KI UNHONE EK BAAR SHAHPUR SE ATE HUE CHAMBI KE AAS-PAAS KAI HATH PAIR WALA OR 2 MUH VALA BHOOT DEKHA THA….. KYA AISE BHI HOTE HAIN ? GURU JI :- HA…. THEEK ESA DEKHA HOGA UNHONE…..JAB EK SE ADHIK LOG AIK HI SAMAY AKAL MRITYU KO PRAPT HO JAATE HAIN TO VEH SANYUKT ROOP SE REHTE HAIN. JESE AIK MAHILA AIK PRUSH OR EK BALAK….. JAB UNKI AATMAYE SAYUKT ROOP LEKAR VICHRAN KARENGI TO UNKA BAL 3 GUNA, SVABHAV 3 PRKAR KA, SIR 3, MUKH 3, HAATH 6, PAIR 6, ANKHE 6, STAN 2 OR LING 2 YANI KE SAB ANG MISHRIT ROOP MEN PRADARSHIT HONGE…… AISI AATMAO KO VASH ME KARNA THODA KATHIN HOTA HAI. SOCHO KYA SVAROOP HOGA? SYAAM :- GURU JI INKA SVABHAV KAISA HOTA HAI? GURU JI :- JAISA MANUSHYO KA HOTA HAI……. SAB APNE APNE SVABHAAV ME JITE HAIN. KUCHH SHARARATI HOTI HAIN, KUCHH SHAANT, KUCHH UPADDRAVI, KUCHH BHAKTI BHAV VAALI……. KUCHH SATANE VAALI TO KUCHH SAHAYTA KARNE VAALI OR SAHI MARGDARSHAN DENE VAALI. SYAAM :- KYA INHE DEKHA JAA SAKTA HAI….? GURU JI :- HA…. PAR TAB JAB YAA TO YE SVAYAM TUMHE DARSHAN DE JAYE….. YAA TUM ME INHE DEKHNE KI JIGYASA HO…. TAB TANTRA JAGAT ME AISE MANTRA AAVAHAN HAIN JIN SE INHE BULAYA JA SAKTA HAI, DEKHA JA SAKTA HAI OR BAATE BHI KI JA SAKTI HAI. TANTRA MARG ME AISE KAAJAL BANANE KE BHI KAI VIDHI VIDHAN HAI JINHE AANKHO ME LAGA KAR BHOOT YANI MRIT AATMAO KE DARSHAN SAMBHAV HAIN. PAR KITABO ME LIKHI AISI BAATE PADH KAR KUCHH KARNE MAT BAITH JANA…… NUKSAN HO SAKTA HAI. ADHIKTAR KITABO ME AAVAHAN TO BATA DETE HAI LEKIN INSE APNI KHUD KI SURAKSHA TATHA INHE VAPAS PRASTHAAN KARANE KI VIDHI NAHI BATATE. MURKH KAHI KE. SYAAM :- KYA INSE KAAM BHI KARVAYE JAA SAKTE HAIN? GURU JI :- HA KARVAYE JAA SAKTE HAIN………….. TANTRIK LOG KARVATE HAIN… PARANTU SAB KARY KARA PAANA SAMBHAV NAHI HAI KYONKI HAR AATMA KA APNA EK SIMIT DAYRA HOTA HAI USE VEH PAAR NAHI KAR SAKTI HAI…… SYAAM :- AGAR YE BOOT YA AATMAYE PARESHAN KARE TO INHE KAISE BHAGAYA JAYE….? GURU JI :- JIN GHARO ME NIYAMIT SATVIK POOJAN PATHAN HOTA HAI VAHA YE PHATAKTE BHI NAHI HAIN. HANUMAT MANTRA, GAYATRI MANTRA, NARSINGH MANTRA, SHIV TATHA DURGA MANTRO SE INHE BHAGAYA JA NSAKTA HAI. SYAAM :- JINHE YE MANTRA ITYADI NA PATA HO…….? GURU JI :- TO NIYAMIL ROOP SE SADHARAN PUJA KAR LOBAAN KI DHOONI GHAR ME DENE SE BHI YE BHAAG JATE HAIN……. POOJA STHAL PAR RAKHE SHANKH KI DHWANI KARNE PAR BHI YE BHAAG JATE HAIN. SYAAM :- GURU JI KYAA AP HAME BHOOT DIKHA SAKTE HAIN….? GURU JI :- HA HA HA HA…. SE TA DASI DENA APAR FIRI TIJJO CHUKI KE KUNI LAI JAANA…? CHALLA ITHI TE….……. KUTHU KUTHU TE AAI JADE KHAJJAL KARNE TAAI….. UN SOI JA KANE SANJO BI SON DEYA….PYAGHA JANA BI AE SANJO……….( PAHADI BOLI ). MATARANI TUHARA SABKA ACHCHHA KARENGE…………………….
Posted on: Sat, 31 Aug 2013 07:11:19 +0000
Trending Topics
© 2015