2013 num, khix 10-07 ngaix, plak ngawp 8 taix,, paoh bang rieb vaw: nghox khraox ka daux pak ting veng Pang Kham. 1. Tax kuad Pang: - simian ting jhawp kaing daux parti rob mai kru naing rob rom Meung Vax. 2. tax kuad Ngaox ‘Shiao Min Lieng’ si miang ting mhai (2) daux vawng Meung Vax. 3. tax kuad Kloi – cao jhawp kaing mhai 2 plak khraix khrawm kru naing rob rom Meung vax. 4. tax kuad Run- cao jhawp kaing mhai 2 plak khraix khrawm kru naing rob rom Meung vax. 5. tax cao Kaw Ang, cao kaing (1) daux lum kaing si toe mai plak praix. 6. Tax Li Cu Liex cao mhai lai, si toe lox daux lum vawng Meung Vax. 7. tax Bo Lai Kham, cao kaing ting daux cub caw kuad song Meung Vax. 8. tax Sang Mawng, cao kaing (Chi Cang) daux lum Pang Kham , 9. tax Pitix – cao kaing(Su ci)lum Pang Kham. 10. tax Pao Sam Kat -cao giex kaing ku grawng daux kru naing 468. 11. Yex Hoing - cao kaing mahi 2 daux cub caw bun dai Meung vax mai nyo sinie pa kaoh khaing Meung Man, Meung Hawx, cub paox grawm SSPP/ KIO and khan kix ngawm si voe. Cao kaing plak greem ku cub mai nyo si nie plak Chang Yien an kix ngawm plak khaix dee lhaong. Ka daux pang an,,,Tax kuad Ngaox - paoh pang rieb vaw: nghox khraox,,,mai krai grawng been nghoh khraox ceu pui vax ..heue. khaix hoik paong bang kum,,, mai yuh krax suad krak,,biak moi..in mawh ngaix rieb kawn vax bung nghox khraox, mawh ngaix ting son kawn vax tix ceu,, viang mawh nan, phan koe kaing ting kaing lhaong, tom suad krak biak moi,, in dawg mawh been dauh tax krax thung kuad vax ex kix dix,. LOX YAWG YAWG(SIMUAT)VAW NGHOX KHRAOX. In mawh ngaix vaw nghox khraox ceu pui vax,, in mawh ngaix si-gaux rhawm si-gaux rhi pui ceu vax pa ot piang hak tiex ku dah ku dee, in mawh si ngaix kok ex khuan nghox khuan koi ing ka nyiex ing ka yaong, in mawh ngaix teei ex nghox khraox in ka nyiex ka yaong, in mawh vaw cie ex pui ceu vax, ex khaw tix tang priex vaw tix, tang priex lox lai tix, tang priex been yung yi tix, in mawh krax ot krax koe ex pui ceu vax, in dawg mawh been dauh tax tom bah mah lha rawm dix dix,, ex kawn vax koe krax been cie ex, suad ex krak biak ex moi, tah ex kraog,paoh ex moeg gawng, tat ex ia, si kid ex plai,, in mawh been dauh tax ex dix dix,,,, Kawn nyawm gau lai mai pui hun daux veng pang Kham, kawn rai pui meung pa khaox khaing Eeng Nam Phat(Kaveng), Yaong ting, Man Mau- Sum phaux, teux Aw,Kawng Hong, Na Lawt in kix hoek yuh krax si lah thut mao,, ,,,yuh krax silah , haok rong ox, puing ak,,rheng cawd maox,, top ngai mai ,, hu toi klawng,,,caw ang caw mai si lah tix tauh nghox in khan kix heue.
Posted on: Thu, 10 Oct 2013 06:03:52 +0000
Trending Topics
Recently Viewed Topics
© 2015