479 Notabel pa djaluna 16 di sèptèmber 2013 Un atmósfera salú, pa e futuro ku nos ke Mi no sa di bo, pero ami ta trata na biba mas responsablemente posibel ku medio ambiente. I mi ta rekonosé ku esei por ta hopi difísil, sigur kaminda ku ke warda un stándar haltu di bida i sigur di higiena. Pero kada ken ku duna su parti, resiklá, keda konsiente di kon nos mester di medio ambiente i no e nos, lo hasi su granito di diferensia. Sigur riba e dia aki 16 di sèptèmber ku ta Dia Internashonal pa Protekshon di e Kapa di Ozòn. Ban Ki-moon ku ta sekretario general di Nashonnan Uní riba e dia aki a bisa ku retonan ekstraordinario ta eksigí akshonnan ekstraordinario. ‘Un generashon pasá nashonnan den mundu a bai di akuerdo pa definitivamente protehá e kapa di ozòn, inisiando un proseso intergubernamental ku a kue un rumbo nobo’. I ta p’esei ta usa e aña aki e tema di ‘Un atmósfera salú, pa e futuro ku nos ke,’. Ozòn ta un forma spesial di oksígeno ku e fórmula kímiko O3. E oksígeno ku nos ta hala aden i ku ta asina vital pa bida, ta O2. Presensia di ozòn ku ta un parti chikí den nos atmósfera ta sin mas vital pa bienestar humano. Mayoria ozòn ta te den laira ayá, den atmósfera entre 10 pa 40 kilometer riba superfisie di mundu. Ei yama stratosfer i ei tin sigur 90% di tur ozòn den atmósfera. Ozòn ta importante pasobra den e stratosfer e ta sòru pa apsorbá rayonan di solo dañino ku ta kontené radiashon ultravioleta. Ta e papel benefisioso aki ta pone ku ta konsiderá e ozòn stratosferiko komo bon ozòn. Di otro banda tin e ozòn na superfisie di mundu ku ta keda formá dor di kontaminantenan kual nan ta konsiderá di ta mal ozòn pasobra e ta hasi daño na hende, mata i animal. E ozòn natural, na superfisie di tera den e atmósfera mas abou, tambe ta benefisioso pasobra e ta yuda eliminá kontaminantenan for di atmósfera.................................................. .....................................................................................................................................................................................................................................djis sigui lesa den edishon di La Prensa di awe..........................
Posted on: Mon, 16 Sep 2013 12:11:14 +0000
Trending Topics
Recently Viewed Topics
© 2015