7.1.2015.TUNI LEITUNG THUTHANG AIR ASIA VANLENG ZONGNA Air Asia vanleng zong na ah misi luang 40 muta uhhi.Hih vanleng pen dec. 20 ni in huihpi nung na hang in tuipi sung ah kia hi.Tu ciangciang ah black box a zongzong uh hang in mu zo nailo uhhi.Khua hun siatna hang in hih nasem na pen zekai sak mahmah hi.Air Asai vanleng tung ah mi 162 tung in, Tuesday ni in Sen leh US te in tembaw te tawh vanleng zongna nasem huh uhhi.Hih vanleng zong na mun uh zong mun te zong khan uhhi. ISREAL TE Palestinians mi khat Israel te tangval no 3 kithat na hang in a khang sung in dam sung thong 3 vei kia ding in Israel galkap thukhen zum in thukhen na nei uhhi.Hussan Qawashmeh kum 40 pen Hamas mi leh sa te hi in,hih tangval 3 te sih na ding a ngaihsut nei (master mind) pa hi in,asi inn kuan pih te sum pound 41,000 pia hi.mi that ahi mi nih te pen September kha in Israel galkap te in Hebron ah muan mawh in that lum uhhi.Israel mi thum kithat na hang in Gaza ah galki do na ni 50 om hi. EBOLA NATNA WHO te in Jan. 5 ni in agen na uh ah West Africa gam ah mi 20,656 in natna nei uh a mi 8,153 si hi.Ebola natna pen Guinea,Sieerra Leone leh Liberia gam ah atam penpen gam te hi uhhi.Mali ah mi 6 si in,USA gam ah mi 1 leh Nigeria gam ah mi 8 si hi.Nigeria gam in nung kum October kha in Ebola natna om nawn lo hi cihi.Spain leh Senegal gam in zong Ebola natna om nawn lo ci pulak uh a natna ngah mi khat tuak om in asi kua mah omlo hi.nung kal in UK ah ebola natna ngah khat im ci in,ahih hang t5u ni a hoih lam mamawh ta cihi. KASHMIR India leh Pakistan galkap te ki kap tuak na hang in india uk na Kashmir pan in mi a tul sial in a inn uh taisan uhhi. Nung kal in hih bang a kikap na hang in india mi 10 leh Pakistan galkap leh mipi te si hi.Agam nih tuak in gal ki kap na hong pan masa uhhi ci in ki gawh uhhi.2003 kum a thu kimna pen a om na mun ah om in, ahih hang in kithukim na pen palsat hi ci in ki mawh siat tuak uhhi. IRAQ GALKAP Jan.6 ni in IS te in sihpih bomb tawh sim na hang in Iraq galkap mi 23 si in mi 28 liam a, Anbar gamkee ah sunni galkap te leh IS te nasia tak in ki kap uhhi.palik te ii gen nna ah Is te in Kumpi panpih sunni galkap te om na zing sang in sihpih bomb tawh sim masa ci in,tua khit ciang Iraq galkap te omna sim leuleunuh cihi.hih kidona ah IS te a si aliam bang mah gen lo uhhi. KIDAL ZATUI THAK Ebola natna kidalna zatui athak nam khat pen Oxford University pan scientist te in mi tung ah sin na bawl kik uhhi.Nung kum September kha in zong Ebola natna kidalna zatui namkhat pen hih khua mah ah atuam in sin na nei uhhi.tu tung a kidalna zatui t5hak sinna ah deihsakna tawh sinsakna angah ahi kum 18 pan kum 50 kikal mi 72 pha uh hiTu ma in hih zatui zawng tung ah asinna uh ah 100% kidal theih thu mu uhhi.Tutung a pen zatui sut dan namnih om in, anih vein a pen mai kha ahih kei leh kha nih kikal na ah sut kik leuleu ding cihi. Ref:bbc,afp,hro,J.online
Posted on: Wed, 07 Jan 2015 01:41:26 +0000
Trending Topics
Recently Viewed Topics
© 2015