A LUNGHLUT TENG ADING ZAM Thupuak ( News ) ONG HAWMSAWN ING ( :: 25 January 2015 Saturday ZAM Thupuak ZAM :: Zomi Association of Malaysia ZOMI NAM NI MAPAN KHOP DING SAPNA Atung a thu tawh kizui-in, Zomi Nam Ni picing takinbawlnuam ihhih manin Malaysia gamsung aom Zomi akici khempeuh nong kihel nading un zahtakna lianpi tawh kongsam uhhi. Zomi Nam Ni ih bawlzawh nadingin sum leh pai tampi ki samding ahih manin muanna leh lametna lianpi tawh Zomi Nam Ni Committee in anuai a bangin ma ih pankhopding kong zawn uhhi. Zomi Nam Ni Committee 2015 22 January 2015 ni-in ZAM zumpi ah Zomi Nam Ni 2015 bawlvaiding Meeting kinei a, Zomi Nam Ni hong makaih dingin anuai ateng panmun kiseh hi. President (1) : Hau Suan Khai President (2) : Dr. Cin Sian Pau Secretary (1) : Francis Thawng Cin Kham Secretary (2) : Daniel Vum Khan Mung Finance Committee : Sia Khoi Sian Tuang : Pa Dai Za Kam : Sia Thang Lun Mung : Rev. Thawng Ngaih Khup Auditor : Rev. Thang Do Khen : Pa Thang Za Khai Music : ZOMUS : Rev. Gin Khan En : Siama Deih Mang Cultural : ZOCUS & Laipian pawlpi : Sia Gin Do Khup : Sia Hau Cin Nang Sports : Sia Mangpu, Sia Cinpi : Sia Gin Khan Tuang, : John Mungpi, Sia Sim Mang Security : Sia Tuangpu, Sia Kimpu, : Sia Thaa Mung : Khua makai khempeuh Ushers : Sia Thaa Mung : 2014 Zolia & Zotaang teng Media : Zomi Daily, Sia Hau Thang, : Khampu, CS Sangpi Nek le dawn vai : Sia Kam Lian Mung Chair Arrangement : Sia Phillip Khaipu, : Sia Kep Lian Decoration : Siama Ngaih Hau, : Siama Cii Cing : Sia Francis Lamthang Mapan khop ding danKhuakhat pan mimal 100 val aom te RM200 pan atungsiah Khuakhat pan mimal 100 nuai aom te RM100 pan atungsiah Biakna pawlpi khatciang RM200 pan atungsiah Khua kipawlna leh Pawlpi panbek hilo in, mimal inzong piaknop zahtek kipia thei hi.Mapan khopna apia ding khua kipawlna, Pawlpi te leh mimal khempeuh in a nunung pen February 15 ni ma piak kim ding. Zomi bup akua maciat in mapangkhawm dingin muanna leh zahtakna lianpi tawh Zomi Nam Ni Committee in kong zasak uhhi. ZND Committee Gamdang mite ading a kibawl Kad Perjasa (Privilege Card) Immigration te’n sanglo Immigration Department Enforcementin “Privilege Card” a kici Company khat in kumpi phalna omlo a Malaysia gamsung lut te kikepna dingin a bawl tawm uh Card tampi man uh hi.IDE Director Datuk Ishak Mohamedgenna ah “HihCard pen laibu lo tawh Malaysia gamsung lutte zat dinga kibawl hi-in, hih Card tawite peuhmah thuneite in bangmah cih thei lo dingin gen uh a RM250 pan RM700 tawh zuak khia uh hi” ci hi. Card bek hilo card ngah theihna ding ngetna laidal (Applica- tion Form) tampi tak zong man uh hi. Privilege Cardaki bawlna Company neite hi dinga upmawh Singaporean khat leh Indonesian khat kiman pah uh a, thu dot phat dingin khum lai phot uh hi. Hih upmawh mi nihte a kimat tak uh ciangin Singaporean pa in gamdang zin theihna laibu thuneite tungah lah khiat ding neilo hinapi gamdangmi hihna Passport bekbek nga bang na tawi hi. Indonesian pa leuleu pen Malaysia ah tanau vaan ding danin hong pai hi-napi hih Card bawlna Company ah asem suak dan ahihi. Companies Commission of Malaysia te ciaptehna sungah Privilege Card bawlna Company min masa penEuro Custom Scrap Metal Sdn. Bhd.hi-in, a nung ciangin min dang andypengenngentot (M) Sdn. Bhd. tawh laih uhhi. Hih Company pen February 2006 kumin Kumpi sungah amin kikhum hi. Hih thu akikan cilin Company in lai thupiDeputy Minister of Human resources, the Chief of Police, Deputy Inspector General of PolicelehMinistry of Home Affairtung pan ngah uh cih kimu khia hi. A hizongin tua laidal thupite pen phuahtawm laidal mawkmawk ahihlam thukante in khuanung theih kik uh hi. Datuk Ishak Mohamedin a gen behna ah “Ministry of Home Affairsin gamdang pan nasem dinga hong paite (Migrant workers) tawh kisai sep ding khempeuh ko sep ding hi. Ko septaang hong sepsak dingin Agents (Puaisa) cihte kua mah sawl kei ungh cih thu January 16 ni-in mikim theih dinginPress Releaseah pulak khia hi” ci hi. A thugen zomto leuleu in, “Tua ahih manin Company in 4,000 val “Privilege Card” a zuak khiat khitsa te penImmigration Departmentin theihpih ngiatlo hi. Thulehlaa a kikan san laitak hi-in, a kizawh khit dikdek ma tengin hih Company i License pen CCM in sisak phot hen cih ngetna zong ka bawl khin hi. Tua kipan mipite leh Malaysia sunga gamdangmi nasem tengin andypengenngentot (M) Sdn Bhd leh a puaisa te uh tawh kizopna na bawl nawn kei phot uh hen la, haksatna neite in Immigration Department hong bel pah zaw uh hen” ci hi. Zomi akua mapeuh in hih Kad Perjasa (Privilege Card) hong kizuak leh leivetloh, upvetloh dingin kong tangkokhia uh hi. Source: BERMANA United States Ngeina le Dan Thusinna Khutzat Laibu : ZOMI Khenpi Gukna – Teenna ding Inn le lo I teenna khamtung inn leh na teen nang American a om innte omdan kibanglo hi. I vanzat, tui zatdan, electric mei zatdan inn sung kisil buk zatdan kibang nawnlo hi. Leisek kiciang inn (atuam a kilam inn) American gamah kimu thei hi. Na teenna ding inn hong vaihawmsak agent te’n hong geelsak ding hi. Tawmvei sung om nang ahih kei leh omden nang inn ah i teeng ding hi. Na teen nang innah a kisam bulpite ahi inn vanzat, lupna, beel leh kuangte leh nektheih tuamtuam na muan mawh huhna vante ahi hi. A sapman a tawm inn khan ngah nang baihlo thei a, innkuan khat ngah innkhan leh adang khat ngah innkhan asap kibanglo hi, cih ei gambel te’n theih ding kisam hi. American na tuncil a, na omna a kha masa inn sapman pen Agent te’n tavuan la ding uh a, kha nihna inn sapman leh zatna tuamtuam te nang tavuan ahi hi. I zuih i theih ding thu khat om a, inn sapna inn neipa tawh kiciamna laibawl ding kisam hi. Inn saphun pen kha khat ahih kei leh kum khat kha 12 cih bangin ki lamdang hi. Inn le lo man Khuapi khat leh khat, veng khat leh veng khat sum zat ki lamdang thei hi. I teenma in America te’n inn puah khol ngeilo uh hi. Mi 4 mi 5 apha innkuan khat, lupna khan nih a nei khat hong pia ding hi. Na khasum tawh nasap zawh ding khan agent te’n hong teelsak ding hi. Kha sim inn sapman banah inn van tawh kisai adang na lei ding kisam lai hi. Electric zatman, telephone zatman, gas mei zatman, nin buak mante zong na piakkul hi. Inn na kituah leh American te zong mun khat pan a kituah mah bangun nang zong mun khat pan mun khat na kituah ding ciangin na innsapna kiciam hun a tun tak teh kituah thei pan hi teh. Thukhun sungah hong lah mah bangin inn khatpan inn khat, na kituah ding, gammi a suak nailo American gammi suahna leh Immigration USCIS zumah na omna (address) thak na theihsak ding a thupipen ahi hi. Telephone bulh leh zatdan Telephone na bulh kei leh zong ki om thei a, bulh a, nazat theih nadingin kha khat ahih kei leh tua sang tamzaw bang na ngakkul ding hi. Telephone na zatman piakkul cih zong na ngaihsut kul hi. Khua sung sapman (na omna gamke bek) leh mundang gamdang sapman ci-in nam nih om hi. Sapman pen agamla/anai, bangtan zang cih tawh na piak kul hi. Hih tawh kisai atungthak gambel mite’n a tawm beithei penpen nazat ding uh ahi hi. Gamdang sapman a tawmthei pen ahi phone kat olno tak kilei thei ahih manin mobile phone zangni cileng i bulh ding teh kiciamna kibawl kul masa in a sapman zong tam thei mahmah hi. Zopzop lai ding…>…>…>…> Malaysia kumpi thunei te’n Refugee te honghua mahmahta Malaysia kumpi zumpi omna ahi Putrajaya panin thunei te’n United Nations Refugee Agency te kiangah na gambel mite uh mundang ah hemkhia mengmeng un ci’n a lunggulhna uh genkhiagiapInsider pan kiza hi. “Deputy Home Minister Datuk Seri Dr Wan Junaidi Tuanku Jaafar” in agenna ah Malaysia pen UNHCR United Nations High Commissioner for Refugees Convention ah suaikailo, letmat thuhlo hi. Ahi zongin Malaysia gamsung ah UNHCR Card atawi mi 150,000 bang ki buaipih hi ci’n genkhia hi. Tualak ah atawmzaw pen Kawlgam pan ahihi. Deputy Home Minister papen George Town aom Penang Police Headquarter ah apailaitak in agenkhiat hi a, Penang ahzong Kawlgam mite kithahna vai mahtawh apai ahihi. “Malaysia gampen UNHCR Convention ah suaikailo gamkhat ahihlam pulakkhia kulta hi” ci’n Penang Police Chief Datuk Abdul Rahim Hanafi tawh akimuhna ah genkhia hi. Penang sungah Kawlgammi luang 18 bang kithat a, kithat ciangbek hilo in akhut akhe te sasem bangin ki tangtonggawp a, muntuamtuam ah kipai kawi-kawi hi. Tuabang in thah athuak leh athat tepen Kawlgammi ahih banah pawlkhat pen UN Card atawite hisawnsawn hi. Malaysia gamsung aom Migrant leh Refugee te’n Malaysia kumpi thukhun azuih kul hi cihzong pulak khia hi. Cimawh galtai in migam ah pemta in omlailai, gammi te nawngkaisak lailai cihpen hongkideih masa hetloding mah ahihi. Nung Wednesday ni in mithat Kawlgammi 9 tezong Penang sung aom thukhenzum tuamtuam ah thusitna kineikhin hi. Tua mithat Myanmar National tepen kum 20 leh kum 40 kikal vive ahi uhhi. “Malaysia gamsung ah Refugee te aki omsak pen mihing ciatciat ahihna tawh hehpihhuai kisa (Humanitarian and Compassionate Ground) in aki omsakbek hi a, hihbang in UN Card tawi in utbang in gamtatding hilo hi. Malaysia gamsung ah om uh ahih mahbang in “Malaysia Law” azuih kul hi cihzong “Deputy Home Minister Datuk Seri Dr Wan Junaidi Tuanku Jaafar” in genkhia hi. UN Agency te’n amineih te uh Malaysia gampan in paikhiasak mengmeng hen. UNHCR Convention ah suaikai gamte’n Refugee te lunggulh uh ahih manin tua gamte ah puak uhhen ci’n genkhiata hi. Thuhoih in ngaihsun leng… Hihthu pen thuhoih in ngaihsunleng gamthumna kipuak mengmeng dingin Malaysia kumpi in UN Agency te kiangah hong ngetsak hi cihtheihtawh kibang hi. Thuhoihlo in ngaihsun leng… Thuhoihlo dingin ngaihsunleng Malaysia panin UN Signatory gam te ah puakkhiatding cih himawk a, gentehna in India, Thailand, Indonesia, Nauru, Papua New Guinea, etc…cih gamte khawngah hongkipuak mawkleh lungdamhuai masa khollo khading hi. Zomi Daily Sawltak Tukal Palaai te buaipih diak teng Hau Suan Langh (Vangteh) 16 January ni-in Traves Balai Polis panin ki tan khia thei. Lian Sian Muang (Laaitui) 16 January ni-in a kiman a ki buaipih san laitak. John Gin Sawm Tung (Laaitui) 13 January ni-in a kiman a ki buaipih laitak Do Sian Langh (Zozaang) 19 January ni-in a kiman a ki buaipih laitak. Huai Sian Cing (Singunau), Pau Dot Thang, Thang Biak Sang ni 16 January ni-in a kiman Shah Alam mmigration Lockup ah ki buaipih laitak. Mungno (Vangteh) 19 January ni-in Glen Specialist Eye Center, Ampang ah ki buaipih. Niang Dim Cing (Ngalbual) 20 January ni-in ACTS leh IPR ah ki buaipih. Paul Pau (Vangteh) 21 January ni-in NGO zato ah ki buaipih. Bukit Jalil Camp, Block (A) a om UN te interview a paiciang a kisam kha ngeilo a ki paampaih kawlgam mite 17 te UNHCR-OPI ah ki report sak. Hehpihna tawh hong kanpih un Min : Nang Sian Piang (ZAM -19488) Khua : Tuitangzang Pa : Do Go Kap Nu : Ning Za Luan Sanggampa pen Klang KFC ah nasem hi-in, a kimuh loh zawh kha thum bang sawtta hi. Amah amu leh athei na om uh leh hehpihna tawh ZAM zum hong zasak un. New Life 4 U Ministry”N4M”te makaihna Camp omding Speaker : Rev. Kham Suan Go (Mualhoih Gospel Ministry) Camp Director : Sia Kamtawng(N4M) Date : February 23-28, 2015 Camp lutding mi 30 bek kisang ding a 31/01/2015 ni dong kisang ding hi. Camp lut ding nadeih sak (adiakdiak in guihtheih khamtheih zang) sanggam leh khuapih te ahun lapin sazian nong puakna dingun N4M pan kong zawn uhhi. Sia Kamtawng 017 361 0125 TUNE Insurance Card kingahta January 10 ni ZAM hall a Tune Insurance leite na card uh kingahta ahih manin ZAM ah hongla un. Zomi Nam Ni ading mapan khopna piasa teng Anlangh 100 Laipian Pawlpi 200 Ngalbual 100 Tuizang 100 Thalmual 100 Mualbeem 200 Free Cidamna velciana kinei 18 January 2015 ni-in KL Adventist Pawlpi vaihawm siamna tawh Zomi gambeelte adingin ZAM hall ah Penang Adventist Hospital Peninsular Malaysia Mission of SDA Church pan hong pai-in mimal 107 free in kilak thei-in sun an hong vakbeh lai uh hi. HEI tawh kimuh khopna 21 January ni-in Health Equity Initiatives (HEI) zumpi ah ZAM panin makai nih tawh holimna kinei khawm thei-in adiak in lungsim cidamlo te bang ci kep khoi ding cih ki kupna kinei hi. Zomi sungah lungsim cidamlo a om leh ZAM zumah hong zasak un. Lungdamkohna Kap Khen Thang in tukal Thupuak bawlna ding RM50 hong piakhia ahih manin ki lungdam mahmah hi. Gamsung gampua leitung muntuamtuam pan ZAM nasepna te tha napiak nopleh lungdamtak in hongkisang ding hi. Kidawm ciat ni! Tusung teng Malaysia mun khempeuh phialah lamkhak (roadblock) omden pian hi. Zomi te ih hawhna ih ciahna ah kidawm in pilvaang ciat ni. Kota Raya kiim tengah tusung teng mawtaw tawh luak den ahih manin UN Card tawi nailo Zomi peuhmah a kisam lua ahih kei naak leh vaak loh theih kisin ni. Aki cianzaw in PDF file tawhzong na simsak unmaw. Address: 155A Jalan Maharajalela, 50150 Kuala Lumpur Office Tel: 03-2142 6659 Hotline: 016-293 9027 Email: zomiassociationmls@gmail
Posted on: Sat, 24 Jan 2015 08:32:09 +0000
Trending Topics
© 2015