A VA AWL AI SI EM: (Kohhran leh pawl elsenna a ni lo, Lal Isua pawimawhna tih lanna tur a ni e) Veng pakhata tlangval rumra ve tak thin chuan a sual zia te chu mite hrilh ngai hauh lovin a in hre ve a, a ning a, mahse tlan chhuah dan a thiam bawk si lo, Pathian thu ah chhuahna a awm a ring a, a chhuah dan chu a thiam loh leh a hriat loh ber chu a ni lawi si.. A sual chu a ning a, a tih ngaihna erawh a hre si lo, an Kohhran tih dana a naupan laia chal huh dupa a Baptisma chan chuan a chhan tawh bawk si lo, camping ah in hlan mai rawh ti a an nawr ve thinna lah chuan eng ruai a ang thei bawk si lo, a mangang takzet a ni. Khaw nge UPC ah lut daih teh ang tiin a in suan lut a, Baptisma zawr hnapa a chan pawn mi sual huh tak bak a pel chuang lo, tawnghriat loh nena ke zungpui tin tla phunga a lam pawn mi sual ke zungpui tin thlawn bak a la pel hek lo, a va mangan thlak ta em.. Rilru dang a pu leh ta, Sipai lam nge nge an tha ang tiin Savation Army ah a in suan lut leh ta, puan zar hnuai kal tlangin, tawtawrawt nen ri bung bung mahse Misual puanzar hnuai kal tlang bak a la pel chuang lo, engtin tak ni ang maw... A khaw nge ni kan unau Seventh day lam hi thianghlimna lam an uar bawk a, kei mi bawlhlhawh hian ka hlawkpui ngei ang tiin a in suan leh ta, vawksa ei lovin sabbath an serh kauh kauh pawhin, misual vawksa ei lo sabbath serh bak hmasawnna a nei chuang lo..vala lu a hai takzet a ni.. A beidawng chu amahin a in kulh hranga chawngheia tawngtaiin a sual zawng zawng te chu Lalpa hnenah a hlan ta a, mahse thianghlimna Pathian chuan sual chu a lo duh bik lo ni tur a ni, a tawngtai zawh rualin a hlan chhoh zawng chu a lo kawl kim leh thlap tho bawk si, a va mangan thlak em ve aw... Tih dan thar a hre chhuak ta, sual haw ber tu hnenah a sual a lo hlan kha a ti dik lo a ni, sual chu setanan a lawm duh tiin setana biak a tum ta a, tlai lam thim thet thet ah chuan Kawmawl chhia nen chhekin rawp tawh lam chu a pan thla ta, a in lukhup te te a, aw thum ang chher chhawrin AW THIM LAL KULHPUI an ti mai chuh, ama sawi dan takah biak chi a ni lo, a hnai lutuk, ka hmulthi te chu a ding ur ur a, ka tlan chhuak leh rang lutuk a ti... Chutianga a buai a buai lai chu Johana 3:16 thu hi nungin a hnenah a lo thleng ta tlat mai a, a sual a buapui em em kha Lalpan a lo buaipui fel sak vek tawh a, Lal Isua rin mai kha atan a tawk em em a ni tih an hre mai chu(h)..a va awl ai ang reng si e, hnara hlit phawi ang huai hi a ni mai tiin a sawi.....
Posted on: Mon, 29 Sep 2014 10:04:18 +0000
Trending Topics
Recently Viewed Topics
© 2015