ACH ram sahthlak lohna chhan tur .... Aizawl Civil Hospital-ah quarters awm loh vangin damlo enkawlna a tlai phah Aizawl Civil Hospital (ACH) hotute chuan, damdawi-in ram mi dang hnena pek a ni chu an hriatthiam loh thu an sawi nawn a; thawktu leh hmunhma indaih lohna avangin harsatna an tawh thu sawiin, Zanlaiah chuan emgergency pawh darkar hnih hnuah bak kan zai thei lo, an ti. MJA member-te puala free medical check-up an buatsaih khuhhawnnaah ACH hotute chuan an harsatna tawhte an sawi. An sawi danin, Aizawl Civil Hospital hi kum 1894-a din a ni a, kum 1981-ah khum 300 dah niin, tunah chuan khum 300 pawh a awm tling tawh mang lo. Damdawi-in khum leh thawktu an pun loh avangin mipuite chu harsatna an lo tâwk deuh a nih pawhin an dinhmun hriatthiampui turin an ngen a ni. ACH hotute chuan, ACH doctor zingah medical superintendent chiah quarters-ah a awm thu sawiin, Zanlaiah emegency-a zai ngai pawh lo kal se, quarters-ah awm kan awm hlawm loh avangin, inlam kual chhung nen, darkar hnih hnuah bak kan zai hman lo, an ti. Mizo mipuite tan pan awlsam leh awm man tlawm damdawi-in chu mamawhna a sang telh telh nia sawiin ACH hotute chuan, Sport complex-te, multi utility centre-te leh recreational centre-te hi veng tin leh khaw tinin an neih hi a tha em em a; amaherawhchu, Zoram mipui mamawh em em damdawi-in hmunhmá teitê zawng leh ti thuanawp zawnga thil kalpui mek hi sût leh theih hram ni se kan duh hle, an ti. Health department-a thawkten damdawi-in teitê zawng leh ti thuanawp zawnga kal an remtih ngai dawn loh thu an sawi. ACH hotute chuan harsatna hrang hrang nei mah se, damdawi-in chuan hma a sawn ve reng thu an sawi a, Tunah hian state pariat a angin specialist (DNB) zirlai 18-in an rawn zir mek a, heng zirlaite hostel tur hmunhma pawh kan nei lo. Hostel a awm loh avangin zirlai 18-te hian damlo cabin tur 10 an luah mek a ni, an ti. ACH hotute dawi danin, Aizawl Civil Hospital-ah hian kum tin mi nuai 4.45 vel an inentir hin a, emgergency bikah chuan ni tin mi 130-150 vel an kal thung. ACH harsatna leh mamawh an sawite: @Emergency department-in khum 14 chauh a nei a, mamawhtu nasa taka an pun avangin enkawlna ha leh observation turin hmun a awm tawh lo. @Emergency department-ah oxygen, gas pipeline, emergency lab, staff leh nurse duty room, minor operation theatre hmunhma tur a awm tawh lo. @Hospital quarters a awm tawh loh avangin emergency-ah doctor, nurse, technician, paramedical etc. Aizawl hmun hrang hrangah lamkual leh koh an ngaih tak avangin darkar 3/4 laiin treatment a khawtlai phah fo. @Damlo leh damdawi-in pantute mai bakah, a thawktute tan ngei pawh parking hmun a awm tawh lo.
Posted on: Tue, 24 Jun 2014 00:20:24 +0000
Trending Topics
Recently Viewed Topics
© 2015