ASINA KOSNAN TA BAI NO MESTER KITA KUSINCHINAN DI TRAFIKO! Atrobe a surgi diskushon riba e "kusinchinan" di trafiko ku a laga pone riba kareteranan di Kòrsou! Hopi protesta i hopi demanda pa kita e obstakulonan aki for di riba kaminda! Na mi parser NO mester kita e "kusinchinan" ya ku nan ta e manera UNIVERSAL pa kontrolá i redusí velosidat di eksesivo di outomobioistanan riba kaya! RONT MUNDU ta husa e "kusinchinan" aki pa redusí velosidad den trafiko. Spesialmente den areanan kaminda tin hopi hende, spesialmente mucha, ta trafiká na pia, manera skol, parke, stadion, aeropuerto, supermerkado, sentro komersial ets! Pero naturalmente e "kusinchinan" aki mester kumpli ku e rekisitonan tekniko, pa hasi nan trabou efektivo. Aparentemente e hendenan ku ta na enkargo di e trabounan aki no ta komprondé e intenshon di e Chikan i e Kusinchi di trafiko! Ademas ta parse ku nan no ta na altura di e spesifikashonan tekniko tampoko! Na promé lugá kaminda pone un kusinchi di trafiko, i tambe e chikan, mester pone un bòrchi ku ta indiká ku bo ta koriendo riba un kaya ku tin OBSTAKULO i den un area kaminda tin velosidad maksimo permití. . Na di dos lugá e distansia entre kada chikan i e altura di kada kusinchi mester ta di tal forma ku OBLIGATORIAMENTE bo MESTER redusí velosidad te na e maksimo permití, pa bo por pasa sin problema!
Posted on: Sun, 28 Jul 2013 13:10:25 +0000
Trending Topics
Recently Viewed Topics
© 2015