ASINA KOSNAN TA BAI SOBERANONAN MESTER SIÑA KON GOBERNASHON TA FUNSHONA! Manera ma bin ta indiká ultimo dianan aki tin hopi hende, inkluyendo akademikonan, polítikonan i mandatarionan, ku NO sa kon gobernashon di nos pais ta funshoná! Hopi hende ta hasi kos i papia kos sin buska drechi i tin biaha hasta viola ley, pa motibu di nan ignoransia pa loke ta trata nos sistema gubernamental/politiko i estado di derecho! Pesey mes mi a dicidi ku mi no ta bai tuma hendenan, ignorante di nos sistema estatal i di gobernashon, na malu pasobra nan ta kontra Reforma! Ma primintí mi mes ku mi ta bai purba yuda pa mas tantu hende posibel bira konsiente kon nos sistema di gobernashon ta sintá den otro! Mi ta konvensí ku mas tantu hende komprondé nos sistema gubernamental, mas tantu hende ta bai firma pa sostené Reforma. E kaso lamentabel di Fundashon Tayer Sosial Sta. Martha ta prueba ku hasta tin Mandatario i parlamentarionan ku NO ta komprondé kon gobernashon di nos pais ta hinká den otro! Ta bon pami enfatisá ku mi no ta bai drenta den detaye riba e situashon ku tin den e Tayer Sosial, simplemente pa motibu ku mi no tin sufisiente informashon verídiko i mi no ta un eksperto riba tereno di kwido sosial! Pesey mi ta preferá warda resultado di un eventual investigashon! Tasina ku Fundashonan ku ta wòrdu subsidiá pa gobièrnu no por wòrdu kompará ku un kompania of departamentu di gobièrnu. Defakto TUR fundashon susbisidiá pa gobièrnu, manera e.o.Direktiva di Skolnan, Fundashon di Turismo, Fundashon Kas Popular, Fundashonan di kwido i Fundashon Tayer Sosial, ta entidatnan kompletamente independiente i lòs for di gobièrnu! Kontrali na p.e. un kompania di gobièrnu, kaminda mandatarionan ta representá doñonan (lesa Pueblo) i tin tur kos di bisa, den un Fundashon e mandatario NO tin absolutamente nèt nada di bisa. Kemèn un Fundashon Subsidiá pa gobièrnu por wòrdu kompará ku kualke empresa privá ku ta BENDE servisio na Gobièrnu! Komotal si e mandatario no ta kontentu ku e servisio ku e Fundashon, e tin di kana mesun kaminda ku ley ta preskribi pa yega na termináashon di e akuerdo i paramentu di e Subsidio! Den niun kaso i pa niun motibu e mandatario NO tin derecho di intervení den maneho di e Fundashon i sigur NO kore ku direktiva i gerensia di e Fundashon, sin aviso previo i sin motibu balido!! Pesey Minister Jean Marie Francisca NO tin pia legal pa para riba pa hustifiká su aktuashon deskabeyá i sin pia ni kabes kontra direktiva i gerensia di Fundashon Tayer Sta.Martha. Es mas e minister a hasi su mes kulpabel na un delito penal na momentu ku ela permit hendenan no outorisá pa kibra i drenta den ofisina di e Fundashon i saka kompiuter bai kuné! Pero NO ta Sra.Minister Francisca so a faya ku regla i ley den e kaso aki! Den nos estado di derecho konstitushonalmente nos konosé un TRIAS poitika ku ta separá e poder Legislativo for di e poder Ehekutivo! E hecho ku parlamentarionan � i Winifred Raveneau a kompañá e minister pa bai kometé un akto ilegal, ta proba ku nan tampoko NO ta komprondé kon nos estado di derecho ta funshoná! Kemèn komo e poder legislativo ku mester kontrolá funshonamentu korekto di un Mandatario e dos parlamentarionan NO tabatin nèt nèt nada di bai hasi den e Tayer Sosial pa kompañá un mandatario i apoyá e mandatario pa kometé un akto INHUSTU i hasta kontra ley!! Mi ta spera sinseramente ku tantu Sra.Minister Francisca, komo tambe parlamentarionan Cordoba i Raveneau, saka enseñansa for di e insidente aki, i perkurá pa kuminsa studia nos sistema di gobernashon mas mihó pa evitá ku nan ta haña nan mes involukrá den aktonan Barbaro kontra derecho di hende! Ta bon tambe pa e parlamentarionan komprondé ku nan mester asumí na responsabilidat, komo kontroladó di gobièrnu, sin purba sinta riba stul di e mandatario i sigur no instigá i koperá ku aktonan kontra regla i ley!
Posted on: Fri, 01 Nov 2013 17:36:15 +0000
Trending Topics
Recently Viewed Topics
© 2015