....................AW ZORAM ( penkhat pawn kan tawlh lawnge )....................... Pathian Ni (sunday) a nih avangin Chhunginkhawm a chhiar tur Bible ka chhiara. Pathian hla ngaithla pah teh ang tiin youtube hawngin, hla ka zawnga. SR Lalramthanga phuah, Zonuam Branch YMA Zaipawl ten an sak Aw Zoram tih hla hi ka hmu fuha. hla thar anih avangin ka chhuah (play) chhina. ahla thu chuan ka ngaihtuahna zawng zawng chu a la peng ta nghala. Bible pawh chhiar zawm thei lo vin, laptop lain hei hi ka rawn ziak ta zawk ani. youtube link ka rawn thiltel a lo thlir ve theuh tehu khai. hla thu hian asawi tum a tarlang chiang hle maia. chuvangin tamtak ziah angai awm love. Penkhat pawn kan tawlh lawnge. Mizo fa te hi kan tawlh nasa tawh anilo maw? Tawngkhat hmanga Mizo fa te tual kan chaina, kan ram neih chhun Mizoram 21,087 km2 (8,142 sq mi) hi tangruala kan humhalh a vahan tul ta em.. kan zofa unau Lai leh Mara te chu Autonomous DC hnuaia kulh an ni tawh em ni kha? tin, Chakma, thisen ah pawh engmah zawmna nei lo te kha engtin nge nizel? Mizoram mipui te hi Sakhuana ah ringawt hun pum hmana, Hnam leh Ram thlahthlam hi thil tha ani em le? i hnam / ka hnam Mizo hi chimral aniha, i ram / ka ram Mizoram hi sahthlak anih zel chuan i Sakhaw vawn pawh kha a thamral ve nghal zel ani tih hi hriata, kan hnam leh kan ram humhalh hi a vahan pawimawh tak em. Mizoram mipui te hi kan mawl rei lutuk deuh lo maw? Mizoram sualchhuak tu te kha tute nge? Mizo va lungawi leh Mizo tawng hmang te an nilo em ni? engvang nge Mizoram hi darhsarh zawnga a awm tak nile? Mizo va lungawi loh leh mizo tawng hmang duhlo chu engvang nge mizoram ah an khawsak? Autonomous DC sual zawnga mizoram chhunga cheng ten hma an lak chiam mai nile? Mizoram humhalh kawng ah hian mizo mipui te kan inthlahdah deuh anilo maw? kan ram neihchhun Mizoram pawh hi kan humhim zo lo anilo maw? Mizoram ah tal hi chuan darhsarh zawnga hmala tu te hi i do ngam teh angu khai. kan zohnahthlak pawh nisek sek rawhse, a darhzawnga hma la a mizo hnam leh mizoram kalsiam dodal a tibuai tute chu kan bei ngam tur ani. kan hriat reng atan a tha chu MIZORAM sual chhuak tu te kha Zohnahthlak chitin a mi te nimahse..... MIZO, MIZO TAWNG a lungawi te an ni tih hi ani. chuvangin kan Pi leh Pu, kan Nu leh Pa, kan U ten nunna chan huam a an lo sual chhuah Mizoram hi i humhim teh angu.. Sahthlak tir i phal lo vangu. humhalh kawng ah hian Penkhat pawn i tawlh lo vangu khai. achang chuan Mizo hnamhuaisen leh thianchhan thih ngam inti te hi kan dawihzep riau niin ka hre thin.. i hnam / ka hnam leh i ram / ka ram hi a boral chuan i sakhaw vawn / ka sakhaw vawn pawh a boral ve nghal dawn ani tih hi hriat a tha ani. heng thu ka ziah a vang hian Zofate insuihkhawm ka duh lo emaw, zofa tawngdang hmangte ka hmusit lam ani lo.. zofa te hi Ram hran hran ah kan darhsarh a. khawi ah mah tawngkhat hmangin kan lengza thei lo.. Mizoram chauh hi tawngkhat hmanga kan lenza ho theihna ania. hei hi a ropui tak zet bawk ani. he lungrual tak a kan len ho theihna kan ram neih chhun MIZORAM ah leh zel mahni Chi bil hmasialna ( tanghma hai ) a vanga Darhsarh zawnga hmala tu te hi kei chuan do ngam tha ka ti mai zawk ani. tawng hran hran hmang a mahni tawng leh chi bil theuh tan a kan beih chiam chuan MIZORAM leh MIZO te hi kan te tulh tulh mai dawn. chuvangin MIZORAM MIZO thalai rual ten kan hnam leh kan ram humhalh kawng ah hian i thangharh teh angu... tun ah pawh hian kan tlai tawh mah mah zawk ani...... Pen eng zatin nge MIZO thalai leh mizoram mipui te kan tawlh tawh le?? https://youtube/watch?v=2PpYaxork2w AW ZORAM(Tuikuk, Chakma etc chungchang 2014)- Zonuam Branch YMA Zaipawl
Posted on: Sun, 28 Dec 2014 18:49:33 +0000
Trending Topics
Recently Viewed Topics
© 2015