AWARD THUA LUNGDONG HO DINGA HILCHETNA Dr. H. H. Mate Facebook lah akivet na ahile Pu Dr. H. H. Mate in Award tamtah amujeh a lungdong le amuna ajeh hetnom mi aum jing in hijeh chun tunin amupa/asangpa/akipepa keiman hilchet na phabep kahin neinom in ahi. Hilchetna (explanation) kahin nei masang in thu phabep kahin seinom in ahi. Hijeh chun alungdong hole aseise/adem hon hoitah in sim uvin lang, nang hon jong lungdon na lou ding le phah lel jeh a demna lou ding in kigel lhah na ana nei uvin. Mihem khat idem leh kapha jou tapoi tina ahi. Mihem khat isei set leh eima jong midang in iseiset tei ahi. Miching hon mi adem ngaipoi, mithem hole milung dih hon mi asei se ngaipoi. Milung lien hon jong midem, mi seiset abol ngaipon ahi. Mi idemma ahile kapha jou tapoi tina ahi. Iphah lel miho bou kidem ma, kiseise ahi. Iseiset nalou ding le idem nalou ding’a hi eiman guhthim ma tet ding, phah jou ding guot ding ahi. Chutileh kidem talou ding ahi. Chule alungdong ho hin igel diu va pha chu ahile ilungdon nalou diuva eima ho natoh kipat ding, tohga so ding, chuteng leh ipi imu uvem ti kihet ding ahi. If you wonder in what others are achieving and getting in their lives, you also get started and wondered. Toh doh neilou, seidoh neilou, boldoh neilou, mudoh neilou, pohdoh neilou, pehdoh neilou ho kipaman, tohphatman, pachatna kipe nahet khah uvem? Kihe khalou ahi. State, Regional, National, International le Global Award 92 kipepa hi idem dem uva ipia pang ding ham? Alungdong ho ding in tunin phaten seipih mai tang’e. Atheilou, ahetnom ho chu seipih ding, hilchen ding mong ahi. Hilchet na angaichat jeh uvin achung uva kakipah e. Pu Dr. H. H. Mate hin Chin, Kuki, Mizo te le Meitei/Meilhei te aletpoi. Aman atet chu kol te (Hindu te) le sapkang te (English te) bou guhthima anatet ahi. Ana tetna hi thepna lampang le natoh lampang’a guhthim ma anatet na, kolte le sapte mujat/neijat title jong aneijou ahi. Ama hi B.Sc. (Physics), B.E (Electronics & Telecommunication), BEA (Administration), PGDBIM(Business& Industrial Management), PGDJ (Journalism), Ph.D (Physics), D.Litt (Literature), Diploma of Bible (New York, Norway & Silcar), DD(Divinity) ahi. Mabanna hi Doctor of Knighthood (Knighthood degree) kipe kit ding ahi. Chung’a kipe qualification/title ho jouse hi vuimang lou hella alamdol tah a amanchah jing ahi. Ajinei masang, agol lhan sung’a Ph.D chan achai ahi. Ajinei jouva D.Litt. le DD kipe ahibouve. Pu Dr. H. H. Mate hin 1979 apat in na ahintong in ahi. Ama natoh na lampang hi anouija hin kahin pen ahi: 1. Education lampang 2. Literature lampang 3. Science & Technology/Engineering lampang 4. Social work lampang 5. Journalism/Media lampang ahi. Lekhajih/sun mi ahin, lekhabu Science & Technology lampang (tichu electronics le computer education lampang), social issue, economic issue, political issue, novel (lungset thusim) chule adang jong ana sun in, publish jong ana bolle. Lekha sutna lampang’a hin Writer Award 2 vei asang tan, journalism lampang’a national award 1 vei New Delhi khopia asang tan, themjilna lammah mihem tamtah amidoh lou ding apuidih in, lekha athep sah in, hijeh chun education lam le academics lampang’a award 40 val asang tan ahi. Chule social work lampang’a hin NGO lientah tah, minthang tah tah hoa lamkai lenpen loi jin anapang in gunchu tah a anatoh jeh in development lampang toh kisai jin national award 20 val asang tai. Scientist ahina dollin research kum 10 val ana bol in research paper 23 lang ana sundoh in, vannoi jah a thejal in, thilthah pohdoh, mudoh ana nei jeh in science & technology lampang’a jong national le International chule Global award 30 val ana sang tan ahi. Mijouse lekhasut athem in, hinlah innovative idea podoh thei, pedoh thei atampoi. Aumlou, mihet doh lou, mudoh lou, gam le nam khantouna ding geldoh, podoh thei ho chu minasa ahiuvin, kipaman, pachatna chang/kipe ahiuve. India khopi nasaloi New Delhi, Mumbai, Bangalore, Chennai, Hyderabad, Kolkata, Jaipur hoa National Award ape jing uvin, chule Foreign country thupi loi Washington, London, New York, North Carolina, Paris, Helshinki, Bangkok, Dubai, Tashkent, Mauritius, Kathmandu, Singapore, Colombo hoa International le Global Award ho ape jing uvin ahi. Pu Dr. H. H. Mate natoh hi eimi (Chin, Kuki, Mizo) ten ihedoh thei pouve. World eminent educationsit khat ahin, chule scientist jong ahin, anatoh doh, athilpoh doh, athil boldoh le mudoh hohi kol te (Hindu te) le sapte (English) hon vang ahethem uvin ahi. Adeh a Kuki te ding’a amahi mingol ahin, mi vaicha jong ahi. Kolte le sapte ding’a vang amahi miching tah, mithem tah, mihao tah ahije. Kuki chapa khat kolte le sapten hibang’a apachat na, adopsang a tohphatman apeh a, kipaman apeh a, pachatna anei uva, anatoh ahetpih uva, loupi tah a Foreign country hoa akou uva, thu aseisah uva, athepna ho akilah uva, interview abolpao hi Kuki te, Chin te, Mizo te ding’a zero ahi. Ajeh chu ama hina le thepna, chihna, thilbol theina ho ahetdoh theilouvu, amanchah theilou jeh u ahibouvin ahi. Hijeh a chu muntinna vannoi miching, mithem hon akipa piuva pachatna, kipaman, tohphat man apeh jeh uva lungdong ihiuve, chule imujoulou jeh uva idem/isei setnu ahi. Educationist ahinan Award akipen, Academician ahinan award akipen, engineer ahinan award akipen, scientist/researcher ahinan award akipen, journalist ahinan award akipen, writer ahinan award akipen, social worker ahinan award akipen, author ahinan award akipen ahi. Hichun avetsah chu anatoh nahoa akitah in tohdoh aneijin, pehdoh aneijin, pohdoh, semdoh aneije tia evidence/proof aum jeh a kipe ahibouvin ahi. Pu Dr. H. H. Mate hi mi kineosah tah ahi. Kiletsah, kiloupi sah, kithupi sah kiti hi ama a umlou hel ahi. Hiche jeh a hi Pathen in minthanna, loupina apeh hinte. Guhthim ma gam le nampia ding’a na kitong doh ho chu aga umtei ahin, ahung gadoh a,. mipin aneh theija, khantouna anei theileh kisel theilou ahi. Award muna ding’a natong ho koiman award apepon ahi. Amavang burden neitah a mipi ding’a natong, tohdoh neiho bou miching, mithem, milen, milal hon Award apeh teiju ahi. Award 90 val amutah jeh in lungdong hon anatoh, athilbol detail a na hetnom uleh akommah hung uvin, na sei pih naoving e. Ahilou leh na e-mail uh ama Mobile No.9774718838 a hinthot uvin ahilou leh e-mail: drhhmate@gmail a lekha nei hin thot uvin, nadei channu, na lungdonnao lhapna ding in na email uvah hinthot inge. Ajeh chu detail tah a itoh, itham jouse hiche lekha peh a kisei nomlou ahi. Alungdong, ahetnom mong ho bou ding’a secret services, achievements & Contributions for the progress of the Nation/country and world wide kisei pih nom ahije. Miching ho natoh miching hon akhuol doh a, ahetdoh ahin, ordinary people hon mujong le mulou, hejong le hetheilou ahije. Pu Dr. H. H. Mate hi Kuki ten Central Service anabol jong hephalou ahiuve. Anatoh laitah a chu koiman anatoh ahetdoh lou, ahung doha Pathen in mihem sem tan tia ngansena aneija private recognized school lah a principal ahinpoh a, 2003 apatna ama tah in tua ama school Dr. S. Radhakrishnan Foundation School hi ahin phudoh a Pathen natoh na munna anei phatna anatoh phabep ahetnu ahi. Amah in na anatoh na mun ho chu – (1) Indian Space Research Organisation (ISRO) as Scientist (2) Indian Institute of Technology (IIT) as Instrumentation Engineer, (3) Central Water & Power Research Station (Telecommunication wing) as Research Officer. Kum 12 Central Govt. nuoiya na anatoh jouva ki resign a agam, anam pia ding’a na atoh kit ahin, ajeh khat a um jeh ahi. Lungdong poute. Abraham Pathen in akou bang’a amajong Pathen in akou ahi. -GOFICO MEDIA
Posted on: Tue, 22 Oct 2013 11:03:19 +0000
Trending Topics
Recently Viewed Topics
© 2015