Aaj apni union ke dharne ko poora ek mahina ho gaya h. Dharne ke ek mahine ke experiences aur kuch anya gatividhiyo ki vivechana karte huye humein AATM-MANTHAN kar lena chahiye. Apne aandolan ki neev 9th april ko rakhi gayi jab central park main TIRANGE ke samne apne es aandolan ki roop-rekha bani. Uske baad as per strategy 3 ghante ke kary-bahishkar aur sabhi dist HQs pe ek din ka dharna diya gaya, jo ki sabhi jagah successful rahe. Dist dharne se ye fayda hua ki her dist ke LTs ke beech main bahut achcha co-ordination aur communication establish ho gaya. Saath he LT cader ke her vyakti ke man main josh-e-enklab hilore marne laga. Ye josh 25 april ko Rajsthan main LT cader ke aaj tak ke sabse bade event main hua. After that 2 hour extra work ki planing banayi gayi jo ki bahut beneficial rahi. Es ki wajah se CM aur beurocrates ka humare prati positive attitude ban gaya jo aaj din tak barkarar h. Aage 20 june se Jaipur main anishchitkalin dharne ka aagaz kiya gaya. Es beech CM ne Bhatnagar commity ki report se karmchariyo main upje asantosh ko khatm karne ke lihaZ se rajy ke finance secratary Govind sharma ki chairmanship main commity banayi, Jisko 7 din main apni report submit karni thi lekin durbhagya ki baat h ki aaj tak ye report sarvjanik nahi ki gayi h. In dino main he anya sangthano ke dwara strike kar dene per humare yaha bhi kuch logo ne strike ke liye khoob jor lagaya, kyo ki ye last ulternative h. Lagataar 30 dino se hamare saathi dharne pe baithe huye h. Hamare senior leaders lagataar Principle Heath secratary , FS, FS budzet se milte rahte h aur apni jo demands pending h unka per day follow-up ki jaati h. Issi ki badaulat Humari kuch demands jaise ki special pay, washing allownce aur uniform allownce poori bhi huyi. Ek bahut badi demand post-upgradation ki procedure main h. Wo kam jab complete hoga to humein big adwantage milega. Jaha tak grade pay ka sawal h to main bata du ki humare sahit 95 caders ka bhi hit es se juda hua h aur chunavi sal me CM ye kataee nahi chahenge ki 2003 ki tarah karmchari unke khilaf rahe, so ye tay h ki grd pay ammendment sure h, ye alag baat h ki jitna hum chahte h wo mil jaye ya usse ek ek slab neeche pe santosh karna pade. Hamari soch ye rahni chahiye ki jo kuch milta h usko le le aur aage demand jaari rakhe. Jo jagruti aur josh aaj Raj ke LT main aayi h usko humein mitne nahi dena chahiye. Pichle 3 mahine ke ghatnakram pe najar dale to humein kuch positive aur negative issues ko bhi analyze kar lena chahiye. Sabse bada +ve point ye h ki aaj Raj main poore LTs united h, other caders ki tarah humari kai-kai unions nahi h, agar ek se jyada sangthan hote h to govt unki aapsi foot ka fayda uthati h. Halanki kuch logo main asantosh ya vaicharik matbhed h lekin humein khushi h ki aaj tak to hum sab ek h aur humein poori koshish karni chahiye ki hum forever united rahe. Agar hum devide ho jayenge to hamare cader ki takat kam ho jayegi. Her vyakti ke sochne samjhane ka najriya alag hota h, ek hath ki panch ungliya bhi barabar nahi hoti aur wo pancho sath milkar he haath ko activity deti h. To bhaiyo aap sabhi se karbaddh nivedan h ki apni ye unity hamesha banaye rakhe, apne cader ko old-young ya naye-purane ke naam pe bantne na de. Hum ne jo ab tak hasil kiya h unme se uniform allownce 2250 extra ordinary h ye hamara ek bada achievment h. Aaj tak Raj ke LTs main koi mutual contact nahi tha, in dino main aapas main achcha communication establish ho gaya. Kuch negative points bhi h, hamare dharne ko aaj ek mahina ho gaya h, waha kisi din to achchi sankhya rahti h aur kabhi gine-chune log he rahte h. Aisa nahi hona chahiye, jo log state level pe kam kar rahe h ye unka koi personal work thode he h ya wo sirf apne liye he thode kam kar rahe h, hamari bhi utni he jimmedari h jitni ki un logo ki. Hum me se kitne log h jo 2-4 bar jaipur jaker aaye h. Ye bade he sharm ki bat h ki hum unka sahyog karne to ek bar bhi nhi jate Balki unki taang khichne main lage rahte h. Kuch logo ne strike ke issue pe itne cheap comment kiye ki unpe gussa bhi aata h aur unke mansik ster pe hansi bhi aati h. Strike ka shor machane walo ne ab to ye achchi tarah dekh liya hoga ki strike karna senseless tha, kuch log to aise behave kar rahe the jaise wo LT na hoke dusre cader ke log h, unki sari wafadari dusre logo ke saath thi. Khair. . .kuch apwad her jagah hota h. Kuch log union ki activities aur way of agitation ki burai main lage rahte h, unko vastav main maloom he nahi ki wo kya kar rahe h, aise logo ki koi soch aur samajh nhi hoti. Wo aise kam kar rahe h ki jaise koi apne he ghar pe patthar fenkta ho. Khud CM apne positive way of agitation se khush h wo ye bhi jante h ki MNJY aane wale main vote gaining scheme h aur LT iski back-bone h, so hum kuch achche ki aasha kare to koi atishiyokti nhi hogi. Lekin ye aasha tab he rakhni chahiye jab ki hum quite united rahe. Aaj unity mainten karne ke liye jaroori h ki humein yadi kisi ki koi bat ya koi activity pasand nhi h to hum kuch tolerate kare, esi main poore LT cader ki bhalai h, agar hum aisa kar paye to ye hamari jeet hogi. So brother plz plz be united always, dont do any work or dont make any statment which may harm our unity. Jai sangthan ! Jai Hind ! Jai Bharat !
Posted on: Wed, 19 Jun 2013 17:28:51 +0000
Trending Topics
Recently Viewed Topics
© 2015