Aaj mera dil bohat dukhi hay. Mughay aur baqi sathion ko budget ki briefing di gai hay. Is saal defence ka Budget 546 arab say 628 arab RS ho gaya. america aur baqi mulkon aur idaron say milnay walay paisay mila kar defence ko milnay wali total Raqam 1014 arab Rs banay gi jis main say 132 arab army walon ki pensions main jaiyain gay 371 arab tankhahon main aur 131 arab saman khareednay main Baqi kay saray paisay kahan jaiyain gay yay gernail jantay hain ya Allah. Tafseel sunain. Defence total in budget =1014 arab Rs. Baironi qarzay ki wapsi kay liay rakhi gai raqam = 926 Arab Rs. Health ka budget main hissa = 36 arab Rs. Taleem ko milnay walay paisay = 512 Arab Rs. Afsos sad afsos 18 karor afrad ki taleem aur sehat kay liay mila kar total 548 arab rupay aur Army kay total 1014 Arab rupay. Wo bhi aisi Army per jiskay hotay huay America kay jahaz abotabad tak pohanchain aur Laden ko maar kar wapis chalay jaiyain. jiskay hotay huay American Drone tayyaray merey hamwatno ko martay phirain. main lanat bhaijta hoon aisay difa per jo merey logon ki jaan ki hifazat na kar sakay. Agar 300 arab rupay bijli ki companies ko day diay jaiyain to mera koi hamwatan ik minute bhi bagair bijli kay na rahay lakin aaj samagh aai mughay. is mulk main military hukamran aur mullah ka gath jor hay. 18 Karor log bus in teeno ko palnay kay liay zinda hain. Kis main himmat hay jo Difa kay budget ko kam karnay ki bat karay. SAB MUNAFIQ HAIN SAB KAY SAB CHAHAY OPPOSITION HO YA HAKOOMAT YA ARMY SAB MILAY HUAY HAIN. AWAAM SOI HUI HAY AUR SOTAY HUAY HI ISAY MOT AAN LAY GI.
Posted on: Tue, 16 Jul 2013 07:19:36 +0000