Aashiqui 2 writer Shagufta Rafique has written some of the best dialogues for a romantic film in a long time. Here are some of them. Rahul Jaykar (RJ): Singers ki izzat kiya karo.. Unki jo tumhare Bar mein gaate hain and unki jinke gaaye hue gaano ki wajah se tumhara Bar chalta hai _____________ RJ: Daaru apne ghar se laaya hai kya? Bartender: Nahi sir RJ: Toh daalne mein kanjoosi kyun kar raha hai? Daal na bindaas _____________ Bartender: Sir ek beer bar hai, idhar se 20 minute door, lekin wo jagah aapke laayak nahi hai RJ: Yaar apne laayak to main khud bhi nahi hoon _____________ Aarohi: Pata nahi kahaan chale jaate ho tum baar baar RJ: Main bar mein hi tha RJ to Aarohi: Jab tum nahi thi toh mera dushman sirf main tha, isse pehle ki main tumhara ban jaoon.. go away _____________ Pizza Delivery Man: Autograph milega? RJ: haan Pizza: aapka nahi madam ka RJ: (smiles) main bulaata hoon madam ko…. aarohi use tumhara autograph chahiye .. Aarohi: abhi iss waqt? baad mein de doongi na.. Rahul: Ye pal bohot keemti hote hain Aarohi.. jab jaate hain to wapas nahi aate.. jao _____________ Aarohi: Main yahin rahungi tumhare paas, chali gayi to tum akele reh jaoge. Jo jee mein aaya karoge _____________ RJ: Aarohi tumhari nakaamyaabi meri zindagi ki sabse badi haar hogi.. mere jeete jee main ek doosra Rahul paida hota nahi dekh sakta.. Tum Rahul Jaykar kabhi nahi banogi.. mere liye bhi nahi _____________ Rahul: Jaanti ho duniya ke sabse behetreen aur mashhoor kalakaar wo log hote hain jinki apni ek adaa hoti hai.. wo adaa jo kisi ki nakal karne se nahi aati.. wo ada jo unke saath janam leti hai.. aur tum mein wo hai.. wo khaas baat Aarohi: Pata nahi wo kaunsi baat hai jo aapne suni aur kisi ne nahi.. kyunki koshish to bohot ki thi maine.. par kisi ne mauka hi nahi diya Rahul: Isliye to aaya hoon main.. kyunki main tumhein kaamyaab banana chahta hu.. tumhe sadi ki sabse badi singer banana chahta hu Aarohi: dekhiye main us tarah ki ladki nahi hoon jis tarah ki aap soch rahe hain Rahul: (laughs) main us tarah ki ladkiyon se is tara ki baatein nahi karta. par kya karoon.. lagta hai mujhe ishq ho gaya hai, pagal wagal ho chuka hoon main, ab ye ishq gun se hua hai ya gunvanti se ye main jaanta nahi Aarohi: Pata chal jaayega.. lekin nasha utarne ke baad _____________ Aarohi: hum yahan se kaheen door chale jayenge jahaan humein koi nahi jaanta ho.. main kuch banna zaroor chaahti thi par itni badi keemat dekar nahi use kho kar nahin Mahesh Thakur: par ek beemar ke saath koi beemar nahi ho jaata… agar tumhara pyaar hi iska ilaaj tha, toh phir ab tak asar kyu nahi hua?? woh mohtaaj hai apni aadaton ka, uss zehar ka, woh kaheen pahunchna hi nahi chaahta to phir kahan le jaogi usse aur aakhir kab tak.. Aarohi: main nahi, woh le jayega mujhe uskee duniya mein, jahaa woh rehta hai din raat jahaan woh khush hai, uski aadat meri hogi, uska nasha mera hoga, woh unhe nahi chod sakta lekin main inhe apna sakti hoon agar yeh zehar hi uska pehla pyaar hai to main apnaungi iss pyaar ko, nashe mein girte padhte rahungi uske saath phir kaheen kis mod par woh mujhe mil jaaye, tabh jaaye inn aadaton se daud ke mujhse aakar kahe ke aarohi ab main thak gaya hoon. phir main usse kahungi ke chalo ab ghar chalte hai phir woh aayega aur hum vaapas zaroor aayenge.. Mahesh Thakur: paagal ho gayi ho tum bilkul hosh nahi hai tummein. Tum kya boli jaa rahi ho…uskee aashiqui ne tumhe paagal hi kar diya. _____________ Ye famous log flop hone ke baad kitne boring lagte hain
Posted on: Sun, 30 Jun 2013 10:48:48 +0000
Trending Topics
Recently Viewed Topics
© 2015