Abraham Lincoln (1861-1865) 16th President of the United States. Part-1 Abraham Lincoln hi Feb 2,1089 Khan apiang a pa hi Thomas Lincoln a ni a. A nu chu Nancy Hanks a ni a. Unaua 2 a nei a, a nuau mipa erawh chu a naupan laiin a borala a farnu nen chuan an dam puitling a. Hrasa ve tak atangin a seilian a ni. An khua ah hian Zirtirtu hmun hrang hran a kal kuala an chenna ina mite zirtir thin an awm a. A farnu nen chuan zirtirtu kal kual thin hnenah chuan lehkha an zir ve thin a ni. Abraham Lincoln chu kum 7 lek a nih laiin Ohio Luipui kanin Indiana khawthlang chhim lamah an pem ta a. Vanduaithlak takin chumi hnu lawkah chuan a Nu chu a boral ta mai a. An chhungkaw khaidingtu nu ber a awm loh takah chuan an inchhung chuan tlakhniam lam a pan chak hle mai a. Silhfen chu sawi loh ei lur tak ngial pawh an harsat ta hle mai a, an reithei hle a ni. An khawsak a ziaawm beiseiin Apa chu Nuthlawi fa nei tawh, Sarah Bush John Ston chu Nupuiah a nei ta a. Hma pawh an sawn chho ve ta hret hret a. An tlakbal na tam tak chu a lo ziaawm chho ta a. An nu thar chuan an unau chungah chuan ngil a neiin a duat hle a. An hlimin nuam an ti hle a. Tichuan Lincoln a nu leh pa chu a theih ang angin a puih bawmin tui a chawi a ran chaw a pe a. Amah a ruhrel a lianin a pumrua a tha bawk a a chak hle nghe a ni. Abraham Lincoln chuan lehkha zir chu a theìh ang angin a chhunzawm ve zel a. Mi lehkhabu hawhin hlate khuaah te a kal thin a. Tichuan harsa takin lehkha chu a zir ve zela. Bible te hi chhiar nuam a tiin a chhiar nasa thei hle. George Washington a chanchin te hi a chhiar duhzawng tak a ni. Kum 16 a nih chuan a tlangval tan ve tawh a, hna rum tinreng thawk thei a lo ni ta a. Nasa takin hna a thawk a, A chang chuan mi ei tur zawrhnaah Clerk hna te a thawk a,a chang chuan rail kawng siamnaah te leh rem chang a hmuh a piangte a thawk mai thin a ni. Chu tih lai chuan Ni khat ah cent 25 chauh an hlawh thei a ni. Abraham Lincoln hi pa ti ti thiam tak a ni a. Mite chuan a thawnthu sawi ngaihnawm an tiin an ngaithla duh hle a. Thil tam tak erawh sawi tur a hre lo, kum 1826 a lo ni a, nikhat chu an awmna bul Ohio luipui kama sal an rawn kai chu a hmu a, chu chu a sal hmuh hmasak ber tum a ni nghe nghe a ni. Indiana khawthlang lama Illinois lamah an chhungkua in an pem ta a. An pem kum chuan a nu leh pa te bulah a la cheng a. A kum lehah chuan a in la hrang vd ta a. Luipui kam khaw pakhat New salem an tìhah awm hmun a khuar ta a. Chutah chuan post master hna a thawka, store keeper ah te a tanga. Chutih lai chuan Dan zir a chak ta tlat a. Dan chu a zira . An khuaah dan bu a wm loa, lehkhabu hawh turin Springfield ah te a kal thin a. A dan zir chu a hah thei hle a ni. A awmna khua mite chuan a rinawm zia te a nelawm zia leh a rilru that dante an hmuh chian zel chuan an ngaina ta hle a. Tumkhat chu an khuaah chuan inchai chak an zawng a. A tel ve a, a lo chak hle mai a. Tumahin an hneh ta lova tichuan an khaw hotu ah an thlan ta ringawt mai a ni. Chuta tanga reilo te ah chuan Indian ho nen an in bei ta chiam mai a. Sipai an deuhin raldo turin an inthlang chhuak a, Abraham Lincoln chu an hotupa a tan an thlang nghal a. Chumi indo chu a reh a, a awmna state Legislature member thlannaah in candidate ve turin an duh avangin a in candidate ve ta a. An khua a awm vote nei zawng zawngin an awmna party theihnghilh thakin an vote a, mahse a tling zo ta lo a. Chuta tanga kum 2na ah a ding leh a, chu tah chuan tlantlin a ni ve ta a. Chu tih lai chu kum 25 a upa a lo ni ve tawh a. Kum 1842 ah nupui a nei a. Fa 4 a nei a. An naupanlaiin 2 in an boral san.Abraham Lincoln hi House of Representative ah kum 1834 ah Illinois atangin thlan tlin a ni a, chumi hnuah chuan term thum dang atan thlan nawn leh niin a zawnin tum li ngawt thlan nawn leh a ni. Kum 1860 US President thlan ah khan thlan tlin a ni a. He inthlanah hian sal neih leh neih loh ah chhim leh hmar nasa takin an inepna hle a. Hmar lam ho tanpui na vangin hnehtu a ni ta a ni. Inthlan zawh felah chuan New York khawpuia hmeichhe naupang pakhatin hnen atangin lehkha a hmu a chu lehkha ah chuan tihian a in ziak a. President thlan thar chuan a hmui hmul a zuah tur a ni. tih hi. Chu thurawn chu a zawm ta a, President a nih hnu chuan a hmui hmul leh khabe hmul a zuah ta.( Ni dangah chhun zawm a ni ang)
Posted on: Fri, 03 Oct 2014 14:32:52 +0000
Recently Viewed Topics
© 2015