Adopt-a-family naman (Bernard Taguinod) Matapos ang adopt-a-town na isinagawa ng mga Local Government Units (LGUs) sa Metro Manila, “adopt-a-family” naman sa hanay ng mga biktima ng bagyong Yolanda, ang pinaplano ngayon ng Union of Local Authorities of the Philippines (ULAP). Ito ang napag-alaman kay Presidential Communication Operations Office (PCOO) Secretary Herminio ‘Sonny’ Coloma Jr., sa press briefing kahapon, na nabuo sa pulong na ipinatawag ni Pangulong Benigno ‘Noynoy’ Aquino III sa hanay ng kanyang Gabinete. Ayon kay Coloma, nabuo ang plano matapos makitangnagtagumpay ang adopt-a-town o adopt-an-LGU kaya plano umano ng ULAP sa pangunguna ng kanilang pangulo na si Oriental Mindoro Gov. Rey ‘Boy’ Umali na ilunsad ang “adopt-a-family”. “Sabi ni Governor Umali, marami rin daw nagpahiwatig, may mga pamilya doon sa pagnanais nilang makatulong, they want to help a family in Leyte, a family in Eastern Samar,” pahayag ni Coloma. Sinabi ni Coloma na ipupursige umano ng mga ito ang nasabing plano lalo na’t maraming pamilya ang nangangailangan ng tulong sa lalong madaling panahon hanggang sila ay makabangon. Sinabi ni Coloma na lahat ng mga mag-aampon ng pamilyang sinalanta ng bagyong Yolanda ay puwedeng makipag-ugnayan sa ULAP upang mahanapan ang mga ito ng kanilang aampunin. Natuwa umano ang Pangulo sa nasabing plano ng ULAP lalo na’t maraming pamilya ang nagtungo sa Metro Manila at Cebu na walang mapuntahang kaanak at inaalagaan ngayon ng Department of Social Welfare and Development (DSWD). “Ano ba iyong specific needs nu’ng families doon? ‘Di po ba napakagandang pagpapakita ito ng malasakit? So ang nararapat lang po dito ay hanapan natin ng paraan to facilitate that and to make it possible. Kaya iyon po ang pag-aaralan na kung paano ito mao-operationalize,” ayon pa kay Coloma. abante-tonite/issue/nov2313/news_story02.htm#.Uo_Pt9Kw0rU #Admin Anna
Posted on: Sat, 23 Nov 2013 05:30:00 +0000
Trending Topics
Recently Viewed Topics
© 2015