Ai ang a chamreng e, Nangnen lungruala lenlai A hlui thei silo. Engan sut leh turan, Minlo hlan le biahthu di. Engtin tuarzel ang i maw i zun ngaih lunglen hi. Mahten awmkhawhar run nghak a, tinkim dawna tlaini len changin, Nang ngaih lunglen puan ang hlui zai rello ten, a thar zel thin. Engtin i zun leng ngaih hi tuarzai han rel zel ang i maw, Tawnloh kar a reiluat vanga, Hmangaihna leh Rinawmna sut a, a thaval dang tawna lung hera min liamsan ta mai hi hriatthiam zai rel ahar ngei. Ana em e, ka chan hi. Hmanah hlimten nui hiau a, lungrualtea biahthu kan hlandun lai khan, i tum sa reng em lo ni? Sam ang thenzai min rel a, he ka thinlung tih nat hi.Kha leh chen hmangaihna partlan dunin, beiseina min siam thin tu khan, Tunah erawh beidawnna khur thuk lam pan turin he ka thinlung hi i tir ta si. Hlimtea kalo chhai, ka lawmlai, ka tan parmawi ber, ka engkima engkim ni thin kha. Tunah chuan lungngaih beidawnna mittui ko chhuak tu mai ilo ni ta si. Saisen teta chunnu in duat ten a chawilen hrai chawi ianga nau ang nuih zai rel a, tleizai rel a har ngei. Chung khuanu leng hian engan nang kher milo tawntir le, a pawi ngei, ka thinlung erawh nangmahah a bet tawh si. Kum sang tam lo ralin, khuatin chuanin leng vel mahila, i sakhmelmawina leh duhawmna, i anka nem damdiai, phatsanna anka nem mah nise nghilhni reng ka neilo ang che. Ka dawn ngailo asin thenni herchhuak tur hi, Ka dawn phallo duhluat vang che in. Mahse beisei lohin he ka thinlung hi tahna ruam zawh tur chuan i tir ta si. Chhunni herliam hian i zunzam leng vel erawh a herliam pui thei silo. I zun ngaih reh nan ning zu dawnin zan lo in herchhuak tur chu ka hmuak a, mahse a kiang chuanglo, i zun ngaiha zualzel zawk si. Duhthusam puitling theilo tur chauh hi maw ka chantawk khawvelah hian ni le. Hnah hlui chu tla in, hnah thar mawiten anlo chawrno leh mai thin. Nunhlui erawh duh hle mah ila, vul nawn zai reng a rel ve tawh silo. Hlimten lengdang tangnem belin min liamsan tawh mahla e, hei chauh ka ngen a che, hriatchhuah zai erawh min han rel ve ang che aw.Hetiang êma ka vei che hi ka thiam loh em ni? Nge ka tawn tur reng ka tawng zawk? Sakhmel mah tawng lo hian i zun ka phur si, i hlimthla leh ankanem a tawka, ka thinlung hmin turin i sakhmel tawn reng a lo ngai lo. Hmangaihna a nih phawt chuan khua hmun leh karhla a dang chuang em ni, sakhmel tawn loh leh nitina ka tawn thin pawh a dang chuang em ni, kar mah hla se ka bula awm rengte aiin ka thlang zawk miau si che a. Thlan tur zawk hre lova min kawp reng chu ka ngaingam lo, thlang fel la, pakhatah inbunruak mai ta che, mipahnih lunglawmna siam chu a theih reng dawn si lo. Rinawmna nen lo chuan runhmun a rem dawn si lo, lengdun mah ila thinlairuk a na fo dawn asin, ngaihngam taka ka len ve nan thinlung pakhat, hmangaih pakhat a tawk a ni,..hlimtakin o
Posted on: Tue, 26 Aug 2014 09:09:28 +0000
Trending Topics
Recently Viewed Topics
© 2015