Aizawl FC fans zozai kha khawi atanga lo kal nge an nih ? Samsung 3:16 Plan Solution Mizoram Premier League Final 1st leg leh 2nd leg-ah Neutral fans AR Lammual tlang lamah thut tur an ti. Mahse e, Aizawl FC-in goal an khung chiah mai chu tlanga awmte kha au ring ber ber an ni ! Khang mipui zo zai khan MPL 1 leh MPL 2-ah Aizawl FC an tanlo em ni ? Aw tan lo. A chhan chu maw.. Aizawl FC khan season 1 leh 2 khan tihsual an nei alawm. Aizawl FC hi club naupang an ni lo, club muhil kaihthawh leh an ni. Mahse an rawn tho leh chiah tihah khan thil felhlel a awm, chu chu fans ngah an tum lutuk a, Football aiin entertainment lamah an kal nasa. Kha vang khan Aizawl mipui ten tan a hnekin Aizawl FC hua an tam phah. Tiki taka football hmuhnawm tak khelh an tum, mahse an thei lo, result tha a pawimawh si a, Mizoram Premier League season khatnaah an ropui lo hle. Season hnihnaah player tha ber ber an khawm a, beisei sangtak nen mipuiin an thlir. Season hnihnaah pawh khan player nei tha ber an nih loh pawhin a dawttu tal an ni ang. Mahse result tha an nei thei lo. David Rinmuana an nei, mahse season hnihnaa David Rinmuana game kha ngaihtuah let leh ila, a va han nawi tak em. Mizoram pawnah a che tha tia sawi thin kha a ni a, Manchester United thleng thlengin goal a khung, mahse MPL-ah erawh a thiam ber lo chiang hle tiin sawiselna a tawk nasa. Tichuan hotupa berin management a siksawi ta. Coach thar an nei a, Luangmual FC boss Mala an ruai, ani hian Luangmual FC player tha a chhawm bawk. Ani hian Aizawl FC in an khelh tum dan Tiki taka kha paih miah chiang lovin, a duhdan thlapin a team a khelhpui thei ta bawk a. Aizawl FC an rawn lian e I-Day 2014 khan ropui takin an khel. Goal pawh an khung nasa. Champion ngei turin minpuiin an ring. Mahse an vanduai a, an champion zo ta lo. Kei chuam I-Day-ah pawh khan team tha berah ka thlang, mahse coach thar hnuaiah team thar an indin a, an chesual hlauh mai maiah ka ngai. Tichuan Mizoram Premier League season 3-na a rawn inher chhuak a. Hetah zet zawng, Aizawl FC ropui tak kan hmu ta. Season hmasa lama sawisel hlawh David Rinmuana a hming lam bik ila, MPL 3-a a rawn khelh that zia kha ropui tak a ni. Best Midfielder lawmman a dawng hial a nih kha. A hmaa media hmanga fans hip tum khan tunah chuan game tha leh results tha hmangin fans hip an tum ta. MPL 3 game tinah hmuhnawm takin an khel chho zel a. Veng hran hrangin club an nei, a tantu te pawh an vengchhung mi leh sate an ni tlangpui. Aizawl FC erawh Aizawl mipui hminga ding an ni si a. Chutah chiah chuan Aizawl FC chuan supporter a ngah chho ta. Kar tinin fans a nei chho zel a, final a rawn thlen meuh chuan AR Lammuala MPL inkhel en tam ber zanah hmun thuma thena hmun hnih fans an nei thei ta tlat mai. Hei hi an thawhrimna, tumruhna leh kawng dik an zawhna rah liau liau a ni. Lo champion zo lo mahse Aizawl FC hian Mizoramah fans ngah ber ni turin dinhmun thaah a inhlangkai tawh tho tho dawn a ni. Tichuan, kum thum chhung beidawng lova an beih hnuin MPL title chu a vawi khat nan December ni 12, 2014 khan Chanmari FC kut atangin an laksak ta a. An thawhrimna hi Senior level-ah chauh lo pawh, Junior team-ah pawh a rawn lang chhuak a. December ni 12, 2014 vek hian chhun lamah Aizawl FC Academy te chuan a vawi khat nan 1st Division-ah an champion a. Top Flight leh 1st Division-ah Aizawl FC an champion ta a ni. inkhel/index.php/football/mizoram-premier-league/item/9295-aizawl-fc-fans-zozai-kha-khawi-atanga-lo-kal-nge-an-nih-?
Posted on: Sat, 13 Dec 2014 05:07:27 +0000
Trending Topics
Recently Viewed Topics
© 2015