Anja 1611 a benta henter e organo intellectual Europeo den un spasma. Anja 1611 a marca como un anja cu a trese mas catastrofe den tradicion y sciencia cu mundo henter no a yega di mira y cu nunca mas lo por ser mira. Pesei henter e systema pagano tin rabia riba un solo buki: e KING JAMES AUTHORIZED BIBLE 1611. • Semler a bisa cu Jesu-Christo a degrada su vocabulario pa un lenguahe popular y supersticionan pa asina acomoda su mes na e ignorancia di e pueblo. Semler a nace DESPUES di 1611 – 1725. • Eichhorn a bisa cu Beibel no tin e poder pa husga ningun hende nan estado moral te ora e wordo purga di tur su elementonan sobrenatural. Eichhorn a nace na 1752. • Paulus von Heidelberg a bisa cu e milagronan den Testament Nobo a bini dor di mentenan fuera di balansa di hendenan cu ta susceptible na halusinacion. Paulus a nace na 1761. • DeWette a bisa cu e historia den Genesis pa Deutoronomio (Torah) ta puro mytho. DeWette a nace na 1780. • Jean Astruc a bisa cu Genesis a wordo scirbi pa dos diferente hende den un periodo di 400 anja separa. Astruc a nace na 1684. E King James Bible a benta TUR e monarchanan Catholico for di e trono di Inglatera; a caba cu e reino di terror Catholico na Europa y a trese lus bek riba mundo. Cu e lantamento di e Reformacion dor di Martin Luther, Europa a ser libera di e podernan diabolico sinta riba un stul y ta papia ex cathedra. Ocacionalmente nos por topa cu Papias, Origen, Clement, Pamphilus of Irenaeus entre 4 B.C. y 300 A.D. Ocacionalmente nos por encontra cu Augistine, Jerome, of Constantine entre 300 y 700 A.D. Pero, lagami bisabo, asina cu nos yega 1611 A.D. nos ta encontra cu Hegel, Semler, Fichte, Nietsche, Schelling, Heackel, Tregelles, Fosdick, Bengel, Schopenhauer, Feuerbach, Huxley, Sartre, de Boufon, etc. – DEN MENOS DI 400 ANJA! No tin ningun hende den e lista menciona cu tabata kere den ningun Beibel of cualke Beibel di ta e PALABRA DI DIOS.
Posted on: Fri, 01 Nov 2013 23:34:02 +0000
Trending Topics
Recently Viewed Topics
© 2015