Aramon an mga sintomas kan pamenopause na lalaki Pag sinabing menopause pirmi ining naka focused na sa salud kan kababaehan. An problemang ini pigaapod na "midlife crisis" kun saen baku sanang kababaehan an naeeksperyensa kudi pwedeser man ining pag agihan kan mga kalalakihan.// Kun sa kababaehan pinagaapod ining menopause, sa kalalakihan pigaapod ining andropause.//An problemang ini an dae malilikayan. Segun sa ipinaluwas na bareta kan Times of India na pinangengenotan ni Dr G.P. Sharma, Senior Consultant of Urology Sri Balaji Action Medical Institute na nakabase sa Delhi, ipinaliwanag kaini kun anu an andropause asin kun papano ini malilikayan kan mga kalalakihan.//Segun kay Dr G.P. Sharma, an Andropause suboot sarong male hormone deficiency.// An Andropause iyo an pagbawas sa produksyon kan testosterone asin dehydroepiandrosterone sa mga middle-aged na kalalakihan. Pareho kan menopause sa kababaehan, an andropause an pwedeser man na mangyari nin mas amay. An lalaking nageedad sa 40anyos an nakakaeksperyensa na kan siring kaining problema.//Ipinaliwanag ni Sharma na an menapausal period sa kalalakihan an pwedeser na magpuon sa kawaran nin konsintrasyon, pagbaba kan enerhiya, fatigue, pabago-bagong ugali, depression, ibabang libido asin pagkakalbo.//Alagad sa mga kalalakihan, dae kamo maghadit huli ta nabubulong man ini.//Segun kay Dr. Sharma, may theraphy na pwedeser na malampasan an siring kaining problema. “Hormone Replacement Therapy an sarong paagi sa pagbulong kan andropause.”
Posted on: Mon, 08 Jul 2013 22:34:09 +0000
Recently Viewed Topics
© 2015