Assamese shanaoli gangrape kasa wui 4 accused tukkhui haira New Delhi, November 17: Thuikahai November 8 thang West Delhi wui Murnika areali zingkum 30 wui Assamese shanao akhali shimlungli razanglaga gang-rape sami mayarnao matina chi tukkhuihaira, da police na hang haira. Athumbing li tukkhuikahai thili Tihar jail li chihosangser haira. Police wui pao china hanga chia shanao pachi agahara thikahai wui-eina shim chili amang pamkharana jiya. Otshot hiwui maramli complaint mikasang chiwui athishurda, mayarnao bing china shanao pachili atam kashakha rekkharekra kahaina kala November 8 thang awui shim chili amang pamlakha athumna na rakazang iena shano chili shaomi kahai thili gangrape kasana jiya. Police hanga chia khanganang wui khonkazar kasa-eina khongnainao bingna PCR call kasana kala chiwui thili police razanglaga mayarnao mati chili tukkakhuina. Shanao chili ngalangda Babu Jagjivan Ram Hospital li khuikhavana kala chiwui thili Sanjay Gandhi Hospital li refer sakhamaronna da pao china hanga.
Posted on: Tue, 18 Nov 2014 13:40:33 +0000
Trending Topics
Recently Viewed Topics
© 2015