Aw Lalpa, Pathian, i hnenah ka lo tawngtai e. Elohim, Awmlo ata engkim siamtu I ni.Ka nunah hian ka tana thil tihtheihloh hial tur pawh thleng sela; awmlo ata min dintu chuan min tihsak turin ka ngen a che. El Elyon, Nang, engkim chunga thuneihtu leh roreltu I ni.Keimah leh ka dinhmun I kutah ka rawn hlan e. Adonai, Ka Lalpa leh thuneihtu I ni e.Khawvel aia nangmah thlang zawkin ka zui che. El Shaddai, Engkim tithei leh ropui, ka mamawh I hria ka tan I tawk e. Jehova Jire, Engkim min petu leh min ngaihsaktu, ka tun hun mamawh pawh hi min pe leh turin ka rawn dil e. El roi, Engkim hmutu Pathian chuan min thlahthlam loin min thlir reng a malin mi awmtir ngai lo, tih ka hria.I hriatpui loa thil thleng reng ka nunah hian a awm lo.Ka lawm e. YAHWEH, Pathian pakhat, Chatuan mi I ni, I thluthlungte vuan tlat theih turin I hmangaihna kut chakin min chelh rawh aw. Jehova Nissi, Hnehna puanzar chu Nang hi I ni e.Eng dinhmunah pawh ding ilang hneh zel theihna min pe ang che. Jehova Mekoddishkem/ melkisedek, Min tithianghlimtu aw Lalpa, nangmah anga thianghlim turin min then thianghlim ve rawh. Jehova Shaloam, Kan muanna Lalpa, ka nunah hian eng anga thlipui nasa pawh lo hrang se, hmachhawn theih turin min awmpui rawh. Jehova Saboath, Aw sipaiho te Lalpa, ka hmelmate zawng2 te min dopui turin ka rawn au a che. Yahweh Roi , Lalpa nang, berampu I ni e, Nang loh chu min enkawltu dang tumah reng an awm lo. Jehova Tsikenu, Felna Lalpa I nih angin ka sual zawng2 nen lo kalin I felna chuan min khuhmawi ang che. Jehova Rapha, Tidamtu Lalpa, ka natna te min tihdamsak turin ka rawn tlu lut e. Jehova Shammah, Lalpa awma chu I ni tih ka hria, i henah loh chuan khawiah nge ka kal chuan ang ? I hmaah ka lo kun e. El Olam, Aw Nang chatuan Pathian , ka nun pumpui I kutah ka hlan e. Jehova Qanna, Lalpa, Nang thikthuchhia I ni , mahse ka tana thatna tura thikthuchhia I ni tih ka hria, lawmthu ka sawi e, Nang phatsan lo tur che in min chelh reng rawh. Abba, Ka Pa, Ka Pa I ni.I chatuan muanna leh ban tha chaktak belin ka rawn pan che. ISUA KRISTA HMINGIN KA DIL A CHE,AMEN.
Posted on: Mon, 20 Oct 2014 21:03:44 +0000
Trending Topics
Recently Viewed Topics
© 2015