Ayam : Jaw, ambo iyo berang bana jo manusia ko eh. Jawi : Hah… baa lo kok bitu? Ayam : Cubolah ang caliak Jaw, aden baru makan bareh saketek alah inyo usia sajo, takadang dilantiangan pulo batu tu kabakeh denai. Kok dikana-kana ko eh, hampia tiok hari manusia nan ko makan talua jo daging ayam. Iyo sabana sakik hati den dibueknyo, indak ado batenggang raso nampaknyo mah… Jawi : Ooohh baitu kironyo….. kok ang tanyo ka diri denai mah Ay….. labiah lo banci hati den ka manusia ko!!! Alah samak hati den mancaliak parangainyo. Ayam : Hah….baa lo masalah ang Jaw? Jawi : Cubolah ang raso Ay, lah ba galanggang mato rang banyak, lah basuluah matohari indak juo ang caliak tiok hari mah Ay!!! Apo guno awak bakawan!!! Ayam : Ondeh…. iyo sabana indak tahu den Jaw. Apo pulo masalahe tu? Jawi : Hampia tiok hari susu den inyo kakok-kakok, dipencet-pencetnyo gai, dirameh-ramehnyo pulo….. tapi nan manusia durjana tu, indak tapikia dek inyo untuak manikahi den, ijan pulo ka bajapuik … Sakiiiik sabana sakik hati den dibueknyo Ay….. apo inyo sangko den jablay!!!!! bagarah Ditulis dalam Humor 6 Komentar Kaitkata: Ayam, Batenggang Raso, Jawi Gara – Gara Palasik Okt 25 Posted by Armen Zulkarnain 1 Vote Tuk Lapai sadang mambaco koran sambia duduak manih di palanta rumah. Urang rumahnyo sadang pai manuka ka pasa sambia maambiak pitih tabungan di bank untuak dituka jo ameh. Iko dari advis Tuk Lapai juo nan labiah mamiliah manabuang ameh dari pado pitih karano nilai rupiah nan samakin turun sajo dari tahun ka tahun. koin emas “Satahun nan lalu pitih sajuta bisa pambali barang 10 macam, kok kini paliang dapek 8 macam sajonyo” baitu kiro-kiro kato Tuk Lapai. Indak lamo sasudah itu, rang rumahnyo pun pulang. Tuk Lapai : ” Nar, alah jadi batuka pitih tu jo ameh di pasa? “ Jawinar : ” Indak jadi do da, mungkin sabulan lai baru bisa” Tuk Lapai : ” Kabaa lo mangko indak jadi? Manga pulo harus manunggu sampai bulan muko?” Jawinar : ” Tadi ambo alah pai ka bank da, nan pitih alah baambiak duo juta di rekening untuak pambali ameh. Kironyo indak cukuik pitih tu mah da, sabab harago ameh alah naiak pulo, kini alah sajuta tigo ratuih ribu saameh. Nan ambo nio cukuik pambali 2 ameh, mangko itu sabulan lai mungkin alah sampai pitihnyo da. “ Tuk Lapai : ” Ondeh… alah naik pulo harago ameh yo, sabab ambo danga kapatang haragonyo sajuta saamehnyo. “ Jawinar : ” Iyo da, ambo kiro di kampuang sajo nan ado palasik, kironyo di Jakarta ado pulo…. bisa pulo palasik mantun manaiakan harago ameh”. Tuk Lapai : ” Palasik??? Di Jakarta??? Manaikan harago ameh??? Apo pulo mukasuik kau Nar? “ Jawinar : ” Iko mah da, kutiko ambo tanyo ka urang kadai ameh tun, baa kok lah naiak pulo harago ameh jadi sajuta tigo ratuih ribu, padahal kapatang ambo danga haragonyo sajuta saamehnyo”. Tuk Lapai : ” Alah tu apo jawek urang kadai tu? “ Jawinar : ” Indak kami nan manaiakan doh buk, iko alah sasuai jo harago pasaran ameh dunia, alah diatur dari Jakarta dek karano palasik samakin tenggi hari ka hari. Baitu katonyo da”. Tuk Lapai : ” Ondeh Jawinar… itu indak palasik namonyo doh, tapi inflasi…. lai jaleh dek kau inflasi tu? Jawinar : ” Indak doh da, apo pulo mukasuiknyo tu? Tuk Lapai : ” Istilah maso kini tu mah…. nan manyabuikan samakin tengginyo harago barang taruih manaruih… aden walau indak basikolah tenggi, tapi lai mangarati stek stek jo istilah ekonomi.” wasalam - bagarah Ditulis dalam Humor 2 Komentar Kaitkata: inflasi, Palasik Humor ala Piaman Apr 6 Posted by Armen Zulkarnain 1 Vote tabuik piaman tabuik piaman Jikalau kito acok mandanga, ado penambahan akhiran ’e’ nan acok diucapan oleh dunsanak kito nan barasa dari pesisir Barat ranah minang yaitu Piaman laweh. Seperti kato : sabana-e, rupo-e, dek-e, dan lain sabagainyo . Kiro-e, dek ajo jo uniang kito ko, nan alah bajajah pulo rantau ko sampai ka tanah subaghang nan disabuik Amerika pulo. Nan namonyo ughang awak, tantu indak pulo dilupokan tradisi usali batutua kato di tanah subaghang ko eh. tabuik piaman in USA tabuik piaman in USA Nan labiah hebatnyo pulo, batutua kato ala Piaman ko kini alah manjadi istilah international pulo, mandunia kecek ughang awak. Kalau sanak ambo indak picayo cubo lah caliak istilah-istilah internet kini ko eh. Contoh-e : e-mail, e-journal, e-servie, e-bussiness, e-commerse dan banyak e, e lainnyo. wasalam - bagarah Ditulis dalam Humor 5 Komentar Tiga Gadis Okt 15 Posted by Armen Zulkarnain Rate This Tuk Lapai memanggil kemanakannya Tan Gelogelo untuk diberi bimbingan adat. Tuk Lapai : Nah, danga dek kalian, Tuk ka maangiah pepatah petitih, cubo pulo manarangkan aratinyo. Jaan pandai-pandai mangkeritik sajo. Danga elok-elok.” Tan Gelogelo: “Jadih Tuk.” Tuk Lapai : “Anak dipangku kamanakan dibimbiang urang kampuang dipatenggangkan. Apo mukasuiknyo tu?” Tan Gelogelo : “Indak mungkin dikarajoan doh Tuk, mustahil.” Tuk Lapai : “Baa kok taka itu.” Tan Gelogelo : “Anaknyo lah gadih, kamanakan lah gadih pulo, urang kampuang gadih pulo. Baa kecek mamak ka mamangku jo mambimbiangnyo? Lai indak dikatoan urang kampuang beko mamak tu gaek gata, dakek-dakek bana ka anak gadih ?” Tuk Lapai : “Olah tu! Ontok kalian! Diaja malah batambah kurang aja!” *** Ditulis dalam Humor 3 Komentar Kaitkata: Humor, Minangkabau Telur Jakarta Utara Okt 15 Posted by Armen Zulkarnain Rate This Humor dari Jakarta… Di sebuah pasar tradisional. Pembeli : “Mas, telornya berapa sekilo?” Penjual : “Telor ayam atau telor bebek?” Pembeli : “Telor ayam.” Penjual : “Telor ayam biasa atau ayam kampung?” Pembeli : “Ayam biasa.” Penjual : “Yang lokal atau yang import?” Pembeli : “Yang lokal aja.” Penjual : “Yang lokalnya mau yang dari Jakarta , Bogor atau Depok?” Pembeli : “Yang Jakarta deh…” (Sambil terlihat kesal). Penjual : “Mau yang Jakarta Pusat, Barat, Timur, Utara, atau Selatan?” Pembeli : “Mas ini jual telor atau mau jalan-jalan? “ Penjual : “Maaf Bu, saya penjual mie ayam di sebelah.Kebetulan yang jual telor lagi ke belakang. Saya disuruh ngobrol dulu sama pembeli sampe dia dateng
Posted on: Fri, 04 Oct 2013 13:37:14 +0000
Trending Topics
Recently Viewed Topics
© 2015