BHUBANESWAR versus TAHAN..... Bhubaneswar chu India State , Odisha ( Orissa tia kan lam thin ang deuh tho khan an la lam thung) capital anih laiin Tahan chu Kalemyo khawpui , Kawlpui an tih thin bawk ( Kale an tih awlsam mai ) veng/ area pakhat niin Saigin Division a awm ani ve mai. Myanmar ah hian tlangram State ho hi State an ti deuh bik a, phai ram state erawh Division an ti thung, Tahan hi Saigin Division a awm ani tih kan hriat chuan phai a awm ani tih a hriat nghal... Chin Hills state chu tlangram ani tih a hriat nghal , la kal ve lo tan pawhin... an nomenclature hi a dangdai ru fu... An lum dun ve ve hle niin a lang a. Khawpui chhungah airport an nei ve ve bawk. Mizo tawng thiam Tahan ah chuan sing tela an awm laiin , BBSR ah chuan mi 12 ( dozen khat awrh) Mizo tawng thiam kan awm niin kan inchhiar thung. Khawlum em vanga inchei uluk peih lo an lo nih pawhin helai vai ho ai mahin Tahan ah chuan an la inchei fashionable peih lo zawk niin a lang. Helai ah chuan an thalaite pawhin intih changkan entir nan an Oriya/ Odia dress an tlansan ve mek laiin Tahan lamah chuan an hnam dress an chhuangin , intih theih nan an hmang a ang khawp mai. ( Tahan Times/ T Melody hotu-pa ni bawk , kan Pu Ni-an kan dinner dawn zan a, BMW, SUV type, India pawisa a Rs 50 lakh man vel lek a min rawn lam tum khan chu BMW chu Lungi - vai pawnfen fengin a rawn khalh delh delh mai chu... ka KA ho mai maw le... Mizoram emaw India khawpui dangah chutiang motor ck chu han khalh ve dawn hlawm ila... kan motor mil tawk tur awm anga kan ngaiha , kan han inchei tur hi ka hmu chak ani. Aizawl ah tu emaw ka la khalh tir ve chhin khawp ang..Hmmm) Tahan ah chuan an local mi leh sa ho pawhin dinner ei chhuah a, kawng sir resto-bar/ dhaba anga TV big screen ( LED TV) en paha inkawm khawm na ni pah fawm a, football / soccer en an hrat hle niin ka hmu. Helai ah chuan an ei chhuak ve tho nachungin mahni chhung te te in interek thung. Myanmar Football ka ngaihtuah hian kan K .Kawla , goalie lar thin ngei mai kha ka hrechhuak ve khanglang. Ani kha ram hrang pahnih , Myanmar leh India aiawha inkhel awm chhun aniang an tia lawm... Tahan ah ka awmna tur min lo siamsak mek ani awm e. Indian rupees chu sawi loh, US dollar a hlawh ka lak dawn phei chuan khawi hmunah pawh kan feh chhuak ve mai ta lawng..., Kei , chuti fakauva inti Global Man hian..This World is not my home...ka ti tuah hum mai dawn asin... Ni-a mi kan nih si maw le..Khi ah khi ah...Kha daih kha asin.
Posted on: Tue, 08 Oct 2013 14:20:05 +0000
Trending Topics
Recently Viewed Topics
© 2015