@Baab-e-Ilm Hazrat Ali Se Mushkil Sawalaat Ke Khubsurat Jawab@ Tauraat Ke Ek Aalim Ne Jiska Naam Mujer Tha! Ek Martaba Hazrat Ali (Radhi Allahu Ta’ala Anhu) Se Pucha Ki Mere Kuch Sawalon Ke Jawab Dijiye! Hazrat Ali Ne Farmaya, Pucho, Kya Puchte Ho? Usne Pucha–Batayiye, (1) Wo Kaunsa Mard Hain Jiska Na Baap Hain Na Maa? (2) Wo Kaunsi Aurat Hain Jiska Na Baap Hain Na Maa? (3) Wo Kaunsa Mard Hain Jiski Maa To Hain Lekin Baap Nahi? (4) Wo Kaunsa Patther Hain Jisne Jaanwar Paida Kiya? (5) Wo Kaunsi Aurat Hain Jisne Ek Hi Din Me 3 Ghadiyon Me Baccha Jan Diya? (6) Wo Kaunse Dost Hain Jo Aapas Me Kabhi Dushman Na Banege? (7) Wo Kaunse Dushman Hain Jo Aapas Me Kabhi Dost Na Banege? Hazrat Ali Radi-Allahu-Anhu Ne Farmaya, Lo Ab Sunlo! (1) Wo Mard Jiska Na Baap Hain Na Maa Hazrat Aadam (Alaihi Salam) Hain! (2) Wo Aurat Jiska Na Baap Hain Na Maa Hawwa (Radi- Allahu-Ta ’aala-Anha) Hain! (3) Wo Mard Jiski Maa Hain Lekin Baap Nahi Hazrat Isa (Alaihi Salam) Hain! (4) Wo Patther Jisne Jaanwar Paida Kiya Wo Patther Hain Jisse Hazrat Saleh (Alaihi Salam) Ki Unthni Paida Hui! (5) Wo Aurat Jisne Ek Hi Din May 3 Ghadiyon Me Baccha Janaa Hazrat Maryam Hain Jinko Ek Ghadi Me Hamal Tehra, Dusri Ghadi Me Dard Zeh (Baccha Paida Hone Ke Waqt Dard) Paida Hui! Tisri Ghadi Me Isa (Alaihi Salam) Paida Hogaye! (6) Wo Dost Jo Kabhi Aapas Me Dushman Na Banege, Jism Aur Rooh Hain! (7) Wo 2 Dushman Jo Kabhi Aapas Me Dost Na Banege Maut Aur Hayaat Hain! Mujer Ne Jawab Sunker Kaha Wakayi Aye Ali! Tumne Sahi Jawab Diya! Wakayi Me Tum Baab-A-Madinatul Ilm Ho! - (Jaami-Ul-Moajizaat Pg-23)
Posted on: Thu, 25 Jul 2013 02:50:57 +0000
Trending Topics
Recently Viewed Topics
© 2015