Bas.. itni hi kahaani thi meri, Ek ladki thi jo bagal mein bhaithi thi.. Ek kuch doctor jo abhi bhi iss umeed me the Ki shayad yeh murda phir jaag pade.. Ek dost tha jo pagal tha.. Ek aur ladki thi jisne apna sab kuch haar diya tha mujhpe.. Meri maa thi, baap tha, banaras ki galiyaan thi Aur yeh ek hamaara shareer tha, jo hume chod chuka tha.. Aur yeh humara seena tha, jisme ab bhi aag baaki thi.. Hum uth sakte the, par kiske liye..? Hum cheekh sakte the, par kiske liye..? Mera pyaar zoya, banaras ki galiyaan, bindiya, muraali sab mujhse chooth raha tha... Par rakh bhi kiskeliye lete? Mere seene ki aag yaa toh mujhe zinda kar sakti thi Ya fir mujhe marr sakti thi, Par saala ab uthe kaun, Kaun phir se mehnat kare dil lagane ko, dil tudwane ko, Abe koi toh aawaj de kerok lo, Ye jo ladki murda si aanke liye baithi hai bagal me, Aaj bhi haan bol de toh mahadev ki kasam waapas aa jayen Par nahi Ab saala mood nahi, Aankhe moond lene me hi sukh hai, So jaane me hi bhalayi hai, Par uthenge kisi roj Ussi ganga kinare damru bajane ko, Unhi banaras ke galiyo me daud jaane ko, Kisi zoya ke ishq me phir se padh jaane ko
Posted on: Thu, 01 Jan 2015 16:57:20 +0000
Trending Topics
Recently Viewed Topics
© 2015