Bible Suina 1 Corinthian 1: 18-31. Chang 18: Kraws thu kiti hi ei le ei gitlona ziak/midang gitlona ziaka kisukgimna (punishment) min ei piak hilo ah ei le ei kipiak/ki jep ti etsakna kampau ah kimang ahi. Pathian ah hukdamna changlo te a dingah ei le ei kisukgim ti chu ngawl hawi ahi. Pathian chule eiho gitlo ziakin ama le ama Kraws ah thuak din a hung kipiai. Ngawlhuai tak ahi. himaleh hukdamna changte a din Pathian in zia Kraws mangah ei hukdam uh ahi ziakin Pathin thilhitheina (power..greek ah dunamos) ahi. 19. Zia thu hi Isai 29.14 na Paul in alak sawn ahi. Mite pilna chu kiletsakna leh ki suanna ahia zia chu Adam ah kipat gitlona chu ikisuan piu a, Satan in theiga lanek ni ni hung pil in latin pathian gual hidi a ti kha iki suan piu tina a hi. Zia ziaka chun Pathian in mihingte pilna hi ngawlnan a ngai zawi. Eihaw ngai ah gitlona neilo Pathian hial ama le ama hung ki su gimdi chu ngawlhawi ahi dan a genna ahi. Sipai officer khat chu a constable te punishment pithu a man pua tawl2 leh ngawlhuai isak diu gual ah chu Pathian in ei hil nau ahi. A hinla ngawlhuai ahilo dan leh hukdamna ahizawk dan mipilten a pilna a het thei lo chu hung himanga hetsak di, etsak di ati ahi. 20. Zia chu ahitak leh mipilte, lekha ziakte, pilna mang ah mi nial hat te chu bang ahiu ah ahi em? Zia hukdamna thu hetheilo ah kingai niamna neitheilo te chu bang chu a pil nau a um em? A mau pilna chu Pathian in a hukdamna thu leh a ma ngei hukdam ahi na di thu hethei lo, ngawl huai a ti ahi zawi. 21&22. Greek ten pil na mangin Gnosticism pathian hiat dawk atup ua..hetna zat chuam2 azil ua hileh le Pathian in Jesu Khrista hukdamna na sem dingah a hunsawl dan hi a hethei diak puau. Juda (jews) ten melchikna (sign) mangin pathian hiat a tup ua Leng/Lal thupi tak a hung din vanlam aksi te leh khawvel mite umdan in Messiah a ngak ua kichai vawt. 23. Paul in zia zosia thu hi hechian in kei un Khrista khetden ah um thu chu kagen ui, Judate din kilikna (ngaituadan ah thil umlo, lawsamna) ahia; Jentelte a dingin ngawlna (thilsia le pha hetkhenlona, thil diktak ngaitua phaklona) a hi a tii. 24. Judate hin Grikte hileh le Pathian aw hiate/ko ah umte (Pathian thilguan a sun ajan ah ngaitua ah hia a zawmte) a dingin Khrista chu Pathian pilna ahi. Khristan ngawlhuai taka mi gello lamtaka thina a hungtel a, Satan in mipite lungthim ah lopitaka Jesu (Messiah) hungdinga thugosia ah ala tulut tak kha ngawl huai takin a mite hung hukdamta, zia chu a hi Khrista nasep chu Pathian Pilna sulang tu ahi. 25. Zia Pathian nasep ngawlhuai taka kilang chu mihingte pil taka smart taka Court leh necktie puma office ah mi nekdi/mudi va lak piaka mi nelo ah thi leh le khawksa lo te sangin a pil zawi; chuleh Pathian hatchungnung in tha neilo ah hung uma a hatmaw pen in le a taw a pek piaka, a jep a, a beng a (zia a vawte chu nang le kei i hiu ei ve) kraws ziang le a kiput zo puai. Himaleh mihingte a hat pen in le Satan zolo nai ngamlo kha Pathian in satan mitmu na ngei in ngawltak leh hatmaw tak gual ah kilang in satan chu a hung zo tai. Mihingte hatna Hitler leh Nepoleon sang a hatzaw ahiu. 26-28. Pathian in eiko dan uh hi taksa lam ah mipil, mi lopite leh mi thilhitheite ko ahi puau. Ahi dan tak chu milopite le kingainiam dingah ko ahiu tina ahi. Kiletsakna hin vangam a chan sek hi (Mat 18:1-5). Kingaitawmna mi chu mi hatlo pen ahi. A ma le ama mi a dingah thilpha bawlna kihi gimte chu mi ngawl ahi. Mipilte chu ama adi kigel, kiletsak, kigenpha, kithupisak tite hi ahiu. zia gual mi chu pathian in a ko sek puai; zia chu kipilsak ngal ah pathian in a dawilo dan chu zachat umtak ahiu. khawvel ah thil umsa te umdan him him hi chu thilpha leh hukdamna lampi aum taklo ziakin thil umsa hilo musit umte, pathian a ma mite a siamsa te a dingah thina hung chan piak chu a tel ta ahi. 29-31. Zia chun kuama Pathian mah kisuangthei i hilo dan uh a etsak tai. A hinla eihaw vang ama Pathian zala chun Jesu Khrista ah chun i um un; Pathian zalin pilna, dikna, sukthianthona leh tatna siampiaka um ihi tau. Zia ziaka chun a kisuang ta po in Lalpa chu suang hen, eimau hi eimau a ihi ta puau Khrista a (man piaka chawksa) i hi tau.
Posted on: Wed, 05 Mar 2014 10:31:05 +0000
Recently Viewed Topics
© 2015