Buang khaw dawnlung ngir hmunah mi lo nghak la, Thlangtiang lentu palnem zing rii riai hnuaiah; Mahriakin Thanghniangi liam lul suh. kan ti maw kha? I lo tum ve chhin reng reng em - a lehlin chu? Tih tak tak arpa tuihalin lo bei chhin la ka duh mang e. Mahse kan lo tiam tawh si a Sangzuala Pa chu i han ko chhuak ang hmiang le. Wait for me where memorial stones stand in cluster, Whence runs the path strewn with tender growths; Proceed not alone my sweetheart dear. Kaihlek hla pakhatah chuan, Awi ka dawn, ka hril zo thei lo; I zun ngai hian ka riang lua e - tih a awm a. Chutiang deuh chuan a mawizia hi sawithiam a har zawk khawp. Dawnlung ngir chu memorial stones in cluster angin a rawn chhuah a. Kan hre ve vek kan hre vek - mahse a hman hun kan lo hre lo a ni! Mitthlaah tumkawng hnim bawh chik cheka nula kal liam tur lang reng chungin path strewn with tender growths tih nachang kan hre ta tlat lo a ni. Tender growths te chu hnimhnah nem tihna a ni tih hre lo B.A val awm tak ang maw. Mahse a hman dan kan thiam lo a nih hi. Sangzuala Pa ropuina leh ngaihawmna em em chu ama sawidan takin, A philology a hre ta tlat thin hi a nia. Thanghniangi kan buaipui em em lai khan ani chuan, Aw, nula sawina alawm. A hlain a tum kha lehlin tur alawm, a ti mai thin a. Rubayiat a lehlinnaah pawh khan Khusru leh Koikobad te kha, Tleitir tiin a dah hmiah mai a. This summer month will take Khusru and Koikobad away tih kha Kumpui sul vei hian tleitir sang tam tak a liampui dawn, a ti mai nia. Thanghniangi te, lul te, liam ten min pual at laiin ani chuan mawi em emin, my sweetheart dear an ti zeuh mai a. My dear sweetheart chu ti se a sak tulh ang a, kan tih awm tawk vel a ni mai ang. Mahse Sangzuala Pa chuan dear hi a tawpah an dah ta hnep mai a. Mahriak te pawh a buaipuiawm em em laiin a hmun dik taka alone dah hian a chingfel ta vek a nih hi. In la peih chuan heti hian chang khat te tein Sangzuala Pa kutchhuak hi kan tarlang dawn em ni ang? Ka thusawina ve leh ka din ve tawhna tam takah chuan keimah lam hi ka tui viau a, a ngaithlatu lam hian an tlin ta meuh thin lova. Chutiang deuh chuan a post-tu hi chuan engemawchen chu ka tlin mai ang a, mahse ka friend-list ami te hian in tlin ve lo mai thei a nia!
Posted on: Sun, 23 Nov 2014 01:25:42 +0000
Trending Topics
Recently Viewed Topics
© 2015